ကျော်ဖြတ် အခက်ခဲ

ဒီနေ့တပည့်လေးတယောက်ပြန်ခါနီးမို့လာကန်တော့ရင်းမေးခွန်းတခုမေးသွားတယ်
လူ့လောကကြီးဟာအခက်ခဲဆိုတာရှိတယ်၊အခက်ခဲရှိမှအခက်ခဲကြားမှအောင်မြင်အောင်လုပ်မှ
အဲဒီပုဂ္ဂိုလ်တော်တယ်လို့ကြားဖူးတယ်အခက်ခဲမရှိဘဲအောင်မြင်တဲ့ပုဂ္ဂိုလ်လောကမှာတယောက်မှ
မရှိဘူးလား?
အခက်ခဲမရှိဘဲအောင်မြင်တဲ့ပုဂ္ဂိုလ်ဆိုလို့ဘဝသေနေတဲ့သူပဲလောကမှာရှိလိမ့်မယ်လူတိုင်းမှာ
ကိုယ်စီအခက်ခဲဆိုတာရှိတယ်လူတွေလိုချင်မှုဆိုတဲ့တဏှာရှိနေသမျှတော့ဒုက္ခတူတဲ့အခက်ခဲဆိုတာ
ရှိနေအုံးမှာပဲအခက်ခဲတွေတွေ့နေအုံးမှာပဲ။

မင်းအခက်ခဲတွေကိုကြောက်နေလား လူဘဝရလာပြီးမင်းကြောက်နေရင် မင်းသေလိုက်ပေါ့ သေလိုက်ရင်အခက်ခဲမတွေ့ရတော့ဘူးဟု စိတ်တိုတိုနဲ့ပြောလိုက်မိသေးတယ်။

ဘုရားလောင်းဇနကမင်းသားဟာဘာကြောင့်သူရဲကောင်းဖြစ်ရတာလဲ?မသိဘူးဘုရားတဲ့သဘောင်္ပျက်ခြင်း
ဆိုတဲ့အခက်ခဲနဲ့တွေ့လို့အဲဒီအခက်ခဲကိုကျော်ဖြတ်လို့သူဟာဝီရိယဆိုတဲ့အားထုတ်မှုအပိုင်းမှာသမိုင်း
တင်စံထားထိုက်တဲ့သူရဲကောင်းဖြစ်ရတယ်လေ။

မင်းတို့သိတဲ့အနီးစပ်ဆုံးသူကိုပြောရရင်ဗိုလ်ချုပ်အောင်ဆန်းကောဘာကြောင့် မြန်မာ့သမိုင်းမှာ
သူရဲကောင်းအာဇာနည်ဘွဲ့ကိုရခဲ့တာလဲ?ဂျပန်တို့အင်္ဂလိပ်တို့နဲ့တွေ့ပြီးအခက်ခဲနဲ့ကြုံလို့ပေါ့
သူတို့ကတို့နိုင်ငံကိုလာရောက်ပြီးမသိမ်းပိုက်ဘူးဆိုရင်ဗိုလ်ချုပ်ကောလွတ်လပ်ရေးလုပ်ပိုင်
ခွင့်လို့ခေါ်တဲ့အားထုတ်မှုကောရပါ့မလား?

လွတ်လပ်ရေးလုပ်ပိုင်ခွင့်အားထုတ်မှုမရဘူးဆိုရင်သူလဲသူရဲကောင်းအာဇာနည်ဘွဲ့မရနိုင်ဘူး
ခုလိုအခက်ခဲတွေကြောင့်မြန်မာ့သမိုင်းမှာသူရဲကောင်းအာဇာနည်ဆိုတဲ့ဘွဲ့ကို
ယနေ့တိုင်ထင်ရှာနေတာပေါ့။

ဥပမာပြောရရင်တော့ကွာမှိုပွင့်လေးတွေဟာနူးညံ့တယ်၊သို့သော်ကြမ်းတမ်းတဲ့ 
 မြေကြီးထဲကမွေးဖွားထွက်ပေါ်လာပြီဆိုကတည်းက မြေကြီးဆိုတဲ့အခက်ခဲကိုခေါင်းပေါ်
ရွက်ပြီးမွေးဖွားလာသလိုလူတွေဟာလည်းဒုက္ခမျိုးစုံအခက်ခဲမျိုးစုံကိုခေါင်းပေါ်တင်ပြီးလူ့ဘဝကို
ရှင်သန်နေရမှာပဲ။

ဒါကြောင့်… မင်း ကျော်ကြားချင်သလား?

မင်း အောင်မြင်ချင်သလား?

မင်း ထင်ရှားချင်သလား? ကျော်ဖြတ်…အခက်ခဲတွေ။

ဓမ္မစမ်းရေ။

မြန်မာတွေ မြန်မာလိုလေးသိစေချင်တယ်

စာရေးသူကစပြီးမြန်မာလိုတခါတလေမေ့နေတတ်ပါတယ် ခုခောတ်လူငယ်တွေဘယ်ခုနှစ်ဘယ်လဘယ်ရက်ဘယ်နေ့ဆိုတာတခါတလေတပါးသူကမေးလိုက်ရင်

လက်တမ်းမဖြေတတ်ဘူးဖြစ်နေတယ် ခရစ်နှစ်မေးလိုက်ရင်ချက်ချင်းဖြေဆိုတတ်ကြတယ်။

စာရေးသူတို့ အမျိုးသားခေါင်းဆောင်ကြီး လွတ်လပ်ရေးဗိသုကာ တပ်မတော်ရဲ့ဖခင်ကြီး ဗိုလ်ချုပ်အောင်ဆန်းနဲ့ ဒေါ်ခင်ကြည်တို့မင်္ဂလာပွဲဖိတ်စာလေးကမြန်မာဆန်မှန်းသိသာတယ် ၁၃၀၄ ခုနှစ် ဝါခေါင်လပြည့်ကျော် ၁ ရက် တနင်္လာနေ့  မင်္ဂလာထမင်းစားပွဲဖိတ်ကြားစာတဲ့ ချစ်စရာမြန်မာဓလေ့ကိုဖော်ကျူးထားတယ်။

ခုခောတ်ကတော့ လူငယ်ကအစလူကြီးအဆုံးအင်္ဂလိပ်လေးပြောလိုက်ရင်သူတို့ကိုသူတို့တော်လှပြီ တတ်လှပြီထင်နေတတ်ကြတယ်ဒီဘက်ကကိုယ့်မြန်မာအစဉ်အလာတွေရိုးရာအမွေအနှစ်တွေပျောက်ဆုံး

နေတာသတိမထားမိကြဘူးဖြစ်နေတယ်။

ဒါလေးတော့သတိထားမိဖို့တော့အမြဲတမ်းသတိရှိစေချင်ပါတယ် တလောကသီတဂူဆရာတော်ကြီးကလည်းမိန့်ထားတာတွေ့ရတယ် တရားပွဲတွေမှာမြန်မာသက္ကရာဇ်ရိုက်ပြီးဖိတ်ထားတဲ့စာလွှာလေးမှာတွေ့တော့ဝမ်းသာပီတိဖြစ်မိကြောင်း ခုခောတ်ကခုလိုလေးမြန်မာဆန်ဆန်ရိုက်နှိပ်ပြီးဖိတ်ထားတာနည်းလာပြီ အင်္ဂလိပ်လိုချည်းပဲရိုက်နေကြတယ်ဒီအစဉ်လာကိုထိန်းထားပါတဲ့သိပ်ကောင်းတယ်ဆိုပြီး

ချီးကျူးထောမနာပြုခဲ့တယ်။

မန္တလေးလိုနေရာမျိုး ရန်ကုန်လိုနေရာမျိုးမှာဆိုရင် ကွန်ပျူတာသင်တန်း ရေကူးသင်တန်း လုပ်ငန်းကိုင်ငန်းလုပ်ငန်းကြော်ငြာတွေမှာမြန်မာလိုမရိုက်တော့ပါဘူး ၂၀၁၃ ဒီဇင်ဘာ ဘယ်နှစ်ရက် ၂ ရက်မန်းဒေးစသဖြင့်သုံးနေကြပါပြီသုံးတာအပြစ်ဆိုတာမဟုတ်ပါ ခောတ်လူငယ်တွေ

မြန်မာသက္ကရာဇ်ဆိုတာရှိတယ်သဘောလေးတောင်မသိမှာစိုးရိမ်မိလို့ပါ။

၁၃၇၅ခု တန်ဆောင်မုန်းလပြည့်ကျော်ငါးရက် တနင်္ဂနွေနေ့ ကိုကျော် ရဟန်းခံရှင်ပြုလေ အောင်မင်္ဂလာကြားကျောင်းမှာတရွာလုံးမီးခိုးတိတ်ကျွေးမှာဒါဟာ

မကွေးဘက်ကပြောသောလေသံ နတ်တော်လဆန်း ၈ရက်ကနေ ၁၂ ရက်ကြားအားလားဆရာဒါကတော့မြင်းခြံဘက်ကပြောသောလေသံ သာယာဖွယ်ကောင်းလိုက်ပါဘိ။

မြန်မာ နှစ်လ ရာသီ နေ့ရက်များကိုခောတ်လူငယ်တွေသိရှိဖို့ရန်ဆရာတင်မိုးရေးထားတဲ့ကဗျာလေးရှိပါတယ်၊

တနင်္ဂနွေ တနင်္လာ

လေတွေ မိုးတွေလာ

အင်္ဂါ ဗုဒ္ဓဟူး

လေပြည်တဖြူးဖြူး

ကြာသာပတေး သောကြာ

လမင်းထိန်ထိန်သာ၊

စနေတခုတည်း

မိုးတွေရေတွေရွှဲ။

လအလိုက်ရွာတတ်သောမိုးကိုလည်းခောတ်လူငယ်တွေမိတ်ဆက်ပေးလိုက်ချင်မိပြန်တယ်

တန်ခူးမည်မှတ်

ဖက်ဆွတ်ရေတိုး သင်္ကြန်မိုး၊

ကဆုန်အတွင်း

မြေသင်းပျံ့ပျံ့ မိုးနှံ့နှံ့၊

နယုန်မိုးသေး မြက်သားမွေး

ဝါဆိုလပြောင်း

မိကျောင်းဖွေးဖွေး

မိုးအေးအေး၊

ဝါခေါင်တကြောင်း

ထနောင်းကြောင်ခြစ်

ဆူးရစ်ပွင့်ကာမိုးမရွာ

ရွာပါသော်လည်း မိုးမသည်း၊

တော်သလင်းတိမ်ညို

စဖိုသည်ဆင်းရဲမိုးမစဲ၊

သီတင်းကျွတ်တွင်

ပလ္လင်ဆေးမိုး ရွာသွန်းဖြိုး၊

တန်ဆောင်မုန်းတွင်

ဆီးနှင်းတပြိုက်

မိုးတစ်လိုက်၊

နတ်တော်ရောက်ငြား

မိုးသားမငြိမ် ဆရာတိမ်၊

ပြာသိုချမ်းပြင်း

ဆီးနှင်းရောယှက် နှံဖုံးလျှက်၊

တပိုးတွဲနွဲ၍ ရွာခြင်း

သံမိုးကြွင်း၊

တပေါင်းလည်းကူး

မိုးသားကြူး။

လအလိုက် ရာသီလေးတွေဖော်ပြထားတာလေးကထိရောက်လှပပေတယ် ကိုယ့်နေ့ ကိုယ့်ရက် ကိုယ့်လ ကိုယ့်နှစ် ကိုယ့်မိုး ကိုယ့်ဆောင်း ကိုယ့်နွေအကြောင်းကို ကိုယ့်နိုင်ငံကလူငယ်လူကြီးမသိသင့်ပေဘူးလား?မြန်မာစာသည်တို့စာ မြန်မာစကားသည် တို့စကား မြန်မာပြည်ဟာ တို့ပြည် လို့ပြောနေကြတဲ့ ကိုရွှေမြန်မာတို့ရေ နှစ် လ ရက် နေ့ လေးတွေမေးရင်ဖြင့် သိအောင်ကြိုးစားကြပါအုံးလို့သတိပေးလိုက်ချင်ပါဘိ။ဓမ္မစမ်းရေ..

တို့တတွေ လောကကိုဘယ်လိုပေးဆပ်ကြမလဲ?

ပန်းခရေကတော့

လန်းတဲ့အခါမှာကော

နွမ်းတဲ့အခါမှာကော

လောကလူတွေကို

သူရဲ့ရနံ့နဲ့ပေးဆပ်ခဲ့တယ်။

သစ်ပင်တွေကတော့

ရှင်သန်တဲ့အချိန်မှာ

အေးမြတဲ့အရိပ်အာဝါသ

သေဆုံးတဲ့အချိန်အခါမှာ

ထင်းအဖြစ်နဲ့

လူတွေအတွက်အသုံးတော်ခံခဲ့တယ်။

မင်းတို့ငါတို့တတွေ

လောကကိုဘယ်လိုပေးဆပ်ကြမလဲ?....."ဓမ္မစမ်းရေ

စာတလုံးဘုရားတဆူ

စာတလုံးဘုရားတဆူ ဟု ပညာရှိများပြောကြားတာကို ငယ်ငယ်ကကြားခဲ့ဖူးတယ် သို့သော် သေချာနားမလည် ဘယ်စာကဘယ်လိုအဓိပ္ပါယ်ကိုဆိုလိုတာကိုတကယ်မသိခဲ့ စာရှု့သူတို့ကိုလည်း အခုကိုယ်တိုင်သိတော့မျှဝေချင်တယ် ဒါဟာ စာရေးသူရဲ့တကယ့်စေတနာအမှန်ပါ။

ဒါကြောင့်မို့ တင်ပြလိုက်မိတယ် သေချာစွာဖတ်ပြီး မျှဝေဖို့လည်းတခါတည်းတိုက်တွန်းချင်ပါတယ်..အက္ခရာဧက မေကဉ္စ ဗုဒ္ဓရူပံ သမံသိယာဟု ကျမ်းဂန်လာရှိသည့်အတိုင်း တလုံးစီကိုပညာရှိများကခုလိုဖွဲ့ဆိုထားပါတယ်။

က…ဟူသည်ကား ကိလေသာမာန်ကိုအောင်တော်မူသောမြတ်စွာဘုရား

ခ…ဟူသည်ကား ခန္ဓမာရ်ကိုအောင်တော်မူသောမြတ်စွာဘုရား

ဂ…ဟူသည်ကားဂန္ဓကုဋီရွှေတိုက်မှကျွတ်ထိုက်သောသတ္တဝါအပေါင်းအားရွှေဥာဏ်တော်ကွန်ရက်ဖြင့်ကြည့်ရှု့တော်မူသောမြတ်စွာဘုရား

ဃ…ဟူသည်ကား ဃဋိကာရဗြဟ္မာမင်းကြီးဆက်ကပ်သောရွှေကြာသင်္ကန်းကိုဆင်မြန်းတော်မူသောမြတ်စွာဘုရား

င…ဟူသည်ကား ငါးပါးသောမာရ်ကိုအောင်တော်မူသောမြတ်စွာဘုရား

စ…ဟူသည်ကား စင်္ကြဝဠာတသိုက်မှာ တုဘက်ပြိုင်ကင်းတော်မူသောမြတ်စွာဘု၇ား

ဆ…ဟူသည်ကား ဆယ်ပါးသောဒုစရိုက်ကိုပယ်ဖျက်တော်မူသောမြတ်စွာဘုရား

ဇ…ဟူသည်ကား ဇာတိဿရဥာဏ်ကိုရတော်မူသောမြတ်စွာဘုရား

ဈ…ဟူသည်ကား ဈာန်သမာပါတ်အပေါင်းနှင့်ပြည့်စုံတော်မူသောမြတ်စွာဘုရား

ည…ဟူသည်ကား ဥေယျဓံတရားငါးပါးနှင့်ပြည့်စုံတော်မူသောမြတ်စွာဘုရား

ဋ…ဟူသည်ကားဋီကာလက်သန်းကျမ်းမသွယ်သွယ်တို့ကိုဆရာမကူကိုယ်တော်တိုင်သိမြင်တော်မူသောမြတ်စွာဘုရား

ဌ…ဟူသည်ကား ပဌာန်းကျမ်းကိုဟောတော်မူသောမြတ်စွာဘုရား

ဍ…ဟူသည်ကား ကောဏ္ဍညပုဏ္ဏားသည်လက်ညှိုးတချောင်းထောင်ပြ၍ဘုရားဧကန်စစ်စစ်ဖြစ်လိမ့်မည်ဟုပြောဆိုခြင်းကိုခံယူတော်မူသောမြတ်စွာဘုရား

….ဟူသည်ကားဒီပင်္ကရာဘုရားခြေတော်ရင်း၌နိယတဗျာဒိတ်ပန်းကိုဆင်မြန်းတော်မူသောမြတ်စွာဘုရား

ဏ..ဟူသည်ကားတဏှာတည်းဟူသောအမိုက်မှောင်ကိုပယ်ဖျက်ခုတ်ထွင်အောင်တော်မူသောမြတ်စွာဘုရား

တ…ဟူသည်ကား တထောင်မကသောတိတ္ထိတို့ကိုဆုံးမတော်မူသောမြတ်စွာဘုရား

ထ…ဟူသည်ကား ထူးမြတ်သောဂုဏ်အပေါင်းတို့နှင့်ပြည့်စုံတော်မူသောမြတ်စွာဘုရား

ဒ…ဟူသည်ကား ဒိဗ္ဗစက္ခုဥာဏ်ကိုရတော်မူသောမြတ်စွာဘုရား

ဓ…ဟူသည်ကား ဓမ္မစင်္ကြာတရားကိုဟောတော်မူသောမြတ်စွာဘု၇ား

န…ဟူသည်ကား နိဗ္ဗာန်အောင်ချာရွှေပြည်သာသို့ပို့ဆောင်တော်မူသောမြတ်စွာဘုရား

ပ…ဟူသည်ကား ပုဗ္ဗေနိဝါသနုဿတိဥာဏ်တော်နှင့်ပြည့်စုံတော်မူသောမြတ်စွာဘုရား

ဖ…ဟူသည်ကား ဖိုလ် မဂ်ချမ်းသာကိုအောင်တော်မူသောမြတ်စွာဘုရား

ဗ…ဟူသည်ကား ဗောဓိပင်ကိုအောင်တော်မူသောမြတ်စွာဘုရား

ဘ…ဟူသည်ကား ဘုန်းတော်ခြောက်ပါးနှင့်ပြည့်စုံတော်မူသောမြတ်စွာဘုရား

မ…ဟူသည်ကား မစ္စုမာရ်ကိုအောင်တော်မူသောမြတ်စွာဘုရား

ယ…ဟူသည်ကား သရက်ဖြူပင်ရင်းတွင်တိတ္ထိတို့ကို ရေ မီးအစုံစုံတို့နှင့်
ယမကပြာဋိဟာကိုပြတော်မူသောမြတ်စွာဘုရား

ရ…ဟူသည်ကား ရောင်ခြည်တော်ခြောက်သွယ်နှင့်ပြည့်စုံတော်မူသောမြတ်စွာဘုရား

လ…ဟူသည်ကား လူသုံးပါးတို့ကိုတုပြိုင်ဘက်ကင်းတော်မူသောမြတ်စါာဘုရား

ဝ…ဟူသည်ကား ဝသုနြေ္ဒမြေနတ်သားသည်သက်သေခံပြ၍မာရ်နတ်မင်းခုခံသည်ကိုအောင်တော်မူသောမြတ်စွာဘုရား

သ…ဟူသည်ကား သစ္စာလေးပါးတရားအပေါင်းနှင့်ပြည့်စုံတော်မူသောမြတ်စွာဘုရား

ဟ…ဟူသည်ကား ဟန္ဒဒါနိ ဘိက္ခဝေ ပါဠိတော်လာသည့်နှင့်အညီ ရဟန်းအပေါင်းတို့ကိုဆုံးမတော်မူသောမြတ်စွာဘုရား

ဠ…ဟူသည်ကား လပြည့်ဝန်းကဲ့သို့ပြည့်ထွန်းသောရွှေမျက်နှာတော်နှင့်ပြည့်စုံတော်မူသောမြတ်စွာဘုရား

အ…ဟူသည်ကား နေအရုဏ်မတက်မှီအာသဝေါကင်းကွာ၍ အာသဝက္ခယဥာဏ်တော်ကိုရတော်မူသောမြတ်စွာဘုရား။

ကဲ…မြန်မာ့အက္ခရာအစုံ စာတလုံးဘုရားတဆူဆိုတာ ဘာကိုဆိုလိုတယ်ဆိုတာသဘောပေါက်လောက်ပြီထင်ပါတယ် …..ဓမ္မစမ်းရေ…

သာမညဖလအခါတော်နေ့

အခါတစ်ပါး၌၊ မြတ်စွာဘုရားသည်၊ တစ်ထောင့်နှစ်ရာ့ငါးကျိပ်ရှိသော များစွာသော ရဟန်းသံဃာနှင့်အတူ၊ ရာဇဂြိုဟ်ပြည်ရှိ ဇီဝက၏ သရက်ဥယျာဉ်၌ သီတင်းသုံးနေတော်မူ၏။
ထိုအချိန်တွင်၊ မဂဓတိုင်းရှင် အဇာတသတ်မင်းသည၊် မိုးလေးလအဆုံး၊ ကုမုဒြာကြာပွင့်ချိန် တန်ဆောင်မုန်းလပြည့်နေ့ ညဥ့်၌ မင်းအမတ်အပေါင်း ခြံရံလျက်၊ မြတ်သော နန်းပြာသာဒ်၌ နေကာ ဤသို့ ဥဒါန်းကျူးရင့်၏ -

'အချင်းတို့ လသာသော ညဥ့်သည် မွေ့လျော်ဖွယ် ကောင်းစွတကား၊ ဤညဥ့်သည် အလွန်သာယာလှစွတကား၊ ဤညဥ့်သည် ရှုချင်ဖွယ် ကောင်းစွတကား၊ ဤညဥ့်သည် ကြည်နူးဖွယ် ကောင်းစွတကား၊ ဤညဥ့်သည်မှတ်သားဖွယ် ကောင်းစွတကား၊ ယနေ့ အဘယ်သမဏဗြာဟ္မဏကို ငါတို့ ဆည်းကပ်ရပါ ကုန်အံ့နည်း၊ အဘယ်သမဏဗြာဟ္မဏကို ဆည်းကပ်လျှင် ငါတို့၏ စိတ်သည် ကြည်လင်ရာပါအံ့ နည်း''ဟု ကျူးရင့်၏။

အဇာတသတ်မင်းသည် ဒေ၀ဒတ်နှင့် ပေါင်းမိသဖြင့် ခမည်းတော် ဗိမ္ဗိသာရမင်းကို သတ်ခဲ့မိသော ပဉ္စာနန္တိယ ကံကြီးကြောင့် အလွန်ကြည်နူး သာယာဖွယ်ကောင်ေးသာ တန်ဆောင်မုန်းလပြည့်ည၏ အလှအပကို မခံစားနိုင်ဘဲ အိပ်စက်မရနိုင်ခဲ့ပေ။ ခမည်းတော်ကို လုပ်ကြံခဲ့သောအချိန်မှ စ၍ အိပ်မပျော်သော ရောဂါဝေဒနာ စွဲကပ်ခဲ့သည်။ သူ၏မျက်လုံးတို့ကို လှံချက်ပေါင်း အရာအထောင်တို့ဖြင့် ထိုးဆွခြင်းခံရသလို ဝေဒနာစွဲကပ် ခဲ့သည်။ ထိုဝေဒနာ ပျောက်ကင်းအောင် မည်သည့်ဆေးနှင့်မှ ကုစား၍မရ ဖြစ်နေသည်။

ထို့အပြင်၊ ရဟန်းပြုခြင်း၏အကျိုး (သာမညဖလ) အမှန်တကယ်ရှိမရှိကို စိတ်ထဲတွင် ပြဿနာဖြစ်၍နေသည်။ ထင်ရှားလှသော ပဏ္ဍိတ်ကြီးများထံ ချဉ်းကပ်မေးမြန်း ခဲ့ဖူးသော်လည်း၊ ကျေနပ်လောက်အောင် အဖြေမှန်မရခဲ့ချေ။ ဤပြဿနာကို ဘုရားရှင်မှလွဲ၍ မည်သူမျှ မဖြေနိုင်မှန်းလည်း သိ၏။

သို့သော် ခမည်းတော်အား သတ်ခဲ့မိသည့်အတွက် ဘုရားရှင်ကို မဖူးတွေ့ဝံ့အောင် ဖြစ်နေရရှာ၏။
တိုင်းရေးပြည်ရေးကတစ်ဖုံ၊ အဖသတ်မိ၍ နောင်တကြီးစွာ ရနေသည်က တစ်သွယ်၊ သားတော်လေး ဥဒယဘဒ္ဒ ကြီးပြင်းလာသည့်အခါ မိမိကို ပြန်သတ်မှာကို စိုးရိမ်ရသည်က တစ်ကြောင်း၊ သိချင်သည့်ပြဿနာကို မသိရသည်က တစ်ခက် ဖြစ်နေသဖြင့်၊ မာဂဓတိုင်းကြီးရှင် အဇာတသတ်ဘုရင်မှာ စိတ်မရွှင်ဘဲ ရှိနေရရှာသည်။

အဇာတသတ်မင်း၏ မင်းအမတ် ၆-ဦးတို့က၊ တိတ္ထိဆရာကြီး ၆-ဦးတို့၏ ဂုဏ်တို့ကို ဖော်ညွှန်းပြီး၊ ထိုသူတို့ကို ဆည်းကပ်လျှင် မင်းမြတ်၏စိတ်သည် ကြည်လင်တန်ရာပါ၏ ဟု အသီးသီးလျှောက်ထားကြသော်၊ မဂဓတိုင်းရှင် အဇာတသတ်မင်းသည် ဆိတ်ဆိတ် နေ၏။

ထိုစဉ်အခါ၌ (အဘယ) မင်းသားမွေးစားသော ဇီဝကသည်၊ အဇာတသတ်မင်း၏ အနီး၌ ဆိတ်ဆိတ် ထိုင်နေလျက် ရှိ၏၊ ထိုအခါ အေဇာတသတ်မင်းသည် ဇီဝကအား ''အချင်း ဇီဝကသင်သည်ကား အဘယ်ကြောင့် ဆိတ်ဆိတ် နေဘိသနည်း''ဟု ဆို၏။ ထိုအခါတွင်မှ ဇီဝကသည်၊ ဘုရင်ကို လက်အုပ်မချီ ကျောပေးကာ၊ ဘုရားရှင်ရှိရာ သရက်တောဘက်သို့ လက်အုပ်ချီမိုးပြီး ဘုရားရှင်၏ ဂုဏ်တော်အပေါင်းကို ချီးကျူးပူဇော်ကာ ဤသို့ဖြေကြား၏။

''မင်းမြတ် ပူဇော်အထူးကို ခံတော်မူထိုက်သော အလုံးစုံသော တရားတို့ကို ကိုယ်တိုင် မှန်စွာသိတော်မူသော ဤမြတ်စွာဘုရားသည် များစွာသော ရဟန်းသံဃာနှင့်အတူ အကျွန်ုပ်တို့၏ သရက်ဥယျာဉ်၌ (သီတင်းသုံး) နေတော်မူပါ၏၊ ထိုမြတ်စွာဘုရား၏ကောင်းသော ကျော်စောသတင်းသည် ဤသို့ ပျံ့နှံ့၍ ထွက်ပါ၏ -

'ထို မြတ်စွာဘုရားသည် ပူဇော်အထူးကို ခံတော်မူထိုက်သော အကြောင်းကြောင့်လည်း 'အရဟံ' မည်တော်မူ၏၊ (အလုံးစုံသော တရားတို့ကို) ကိုယ်တိုင် မှန်စွာ သိတော်မူသော အကြောင်းကြောင့်လည်း 'သမ္မာသမ္ဗုဒ္ဓ' မည်တော်မူ၏၊ အသိဉာဏ် 'ဝိဇ္ဇာ' အကျင့် 'စရဏ' နှင့် ပြည့်စုံတော်မူသောအကြောင်းကြောင့်လည်း 'ဝိဇ္ဇာစရဏသမ္ပန္န' မည်တော်မူ၏၊ ကောင်းသော စကားကို ဆိုတော်မူတတ်သော အကြောင်းကြောင့်လည်း 'သုဂတ' မည်တော်မူ၏၊ လောကကို သိတော်မူသော အကြောင်းကြောင့်လည်း 'လောကဝိဒူ' မည်တော်မူ၏၊ ဆုံးမထိုက်သူကို ဆုံးမတတ်သည့် အတုမဲ့ ပုဂ္ဂိုလ် ဖြစ်တော်မူသော အကြောင်းကြောင့်လည်း 'အနုတ္တရော ပုရိသဒမ္မသာရထိ' မည်တော်မူ၏၊ နတ်လူတို့၏ဆရာဖြစ်တော်မူသော အကြောင်းကြောင့်လည်း 'သတ္ထာ ဒေဝမနုဿာနံ' မည်တော်မူ၏၊ (သစ္စာလေးပါးတရားတို့ကို) သိစေတော်မူသော အကြောင်းကြောင့်လည်း 'ဗုဒ္ဓ' မည်တော်မူ၏၊ ဘုန်းတန်ခိုးကြီးတော်မူသော အကြောင်းကြောင့်လည်း 'ဘဂဝါ' မည်တော်မူ၏'ဟု ပျံ့နှံ့၍ ထွက်ပါ၏။

"မင်းမြတ်သည် ထိုမြတ်စွာဘုရားကို ဆည်းကပ်တော်မူပါ၊ မြတ်စွာဘုရားကို ဆည်းကပ်လျှင် မင်းမြတ်၏စိတ်သည် ကြည်လင်တန်ရာပါ၏''ဟု လျှောက်၏။

'အချင်း ဇီဝက သို့ဖြစ်လျှင် ဆင်ယာဉ်တို့ကို ပြင်ဆင်စေလော့''။

ဤသို့ဖြင့်၊ ဇီဝကသည် ဆင်မငါးရာနှင့် မင်း၏ စီးတော်ဆင်ကို ပြင်ဆင်စေပြီးလျှင်၊ ဆင်မငါးရာတို့၌မောင်းမတို့ကို တစ်ဦးစီ စီးစေ၍၊ အဇာသတတ်မင်းက၊ စီးတော်ဆင်ကို စီးပြီး၊ မီးရှူးတိုင်တို့ကို ဆောင်စေလျက် ဇီဝက၏ သရက်ဥယျာဉ်သို့ သွားလေ၏။

အဇာတသတ်မင်းသည် သရက်ဥယျာဉ်၏ အနီးသို့ရောက်လျှင်၊ ကြောက်ခြင်း တုန်လှုပ်ခြင်း ကြက်သီးမွေးညင်းထခြင်း ဖြစ်၏၊
'အချင်း ဇီဝက - ငါ့ကို မလှည့်ပတ် မဖြားယောင်းသည် မှန်၏လော့၊ ငါ့ကို ရန်သူတို့အား မအပ်နှင်းသည် မှန်၏လော့၊ တစ်ထောင့်နှစ်ရာ့ငါးကျိပ်မျှရှိ မြောက်မြားသော ရဟန်းသံဃာ၏ ချေဆတ်သံ ချောင်းဟန့်သံ စကားပြောသံသည် အဘယ်ကြောင့် မဖြစ်ဘိသနည်း''ဟု ဆို၏။

'မင်းကြီး - ကြောက်တော်မမူပါလင့်။ မင်းမြတ် သင့်ကို မလှည့်ပတ်ပါ၊ သင့်ကို မဖြားယောင်းပါ၊ သင့်ကို ရန်သူတို့အား မအပ်နှင်းပါ။ မင်းကြီး ရှေ့သို့ ကြွတော်မူပါလော့၊ မင်းကြီး ရှေ့သို့ ကြွတော်မူပါလော့၊ တန်ဆောင်းဝန်း၌ ဤဆီမီးတို့သည် တောက်ပ လျက် ရှိပါကုန်၏''ဟု လျှောက်၏။

ထိုအခါ အဇာတသတ်မင်းသည် တန်ဆောင်းဝန်း တံခါးရှိရာသို့ချဉ်းကပ်၍ ''အချင်း ဇီဝက မြတ်စွာဘုရား အဘယ်မှာနည်း''ဟု ဆို၏။
''မင်းကြီး အလယ်တိုင်ကို မှီ၍ အရှေ့အရပ်သို့ မျက်နှာမူလျက် ရဟန်းသံဃာ၏ ရှေ့၌ ထိုင်နေ သောပုဂ္ဂိုလ်သည် မြတ်စွာဘုရားပါတည်း''ဟု လျှောက်၏။

အဇာတသတ်မင်းသည် မြတ်စွာဘုရားထံသို့ချဉ်းကပ်ပြီးလျှင် မြတ်စွာဘုရားကို ရှိခိုး၍ တစ်ခုသော နေရာ၌ ရပ်ပြီးသော် ကြည်လင်သော အိုင်ကြီးကဲ့သို့ (ငြိမ်သက်သော) ဆိတ်ဆိတ်နေသော ရဟန်းသံဃာကို အဖန်ဖန် ကြည့်ရှု၍ (ဤသို့) ဥဒါန်းကျူးရင့်၏ -

''ယခုအခါ ရဟန်းသံဃာသည် အကြင် ငြိမ်သက်ခြင်းနှင့် ပြည့်စုံ၏၊ ငါ၏ (သား) ဥဒယဘဒ္ဒ မင်းသားသည် ဤငြိမ်သက်ခြင်းနှင့် ပြည့်စုံပါစေသတည်း''ဟု ဥဒါန်း ကျူးရင့်၏။

''မင်းကြီး ချစ်မြတ်နိုးရာသို့ သင် (စိတ်အားဖြင့်) ရောက်သွားလေပြီ''ဟု မြတ်စွာဘုရားက မိန့်တော်မူ၏။

ထို့နောက် အဇာတသတ်မင်းသည် မြတ်စွာဘုရားကိုရှိခိုး၍ ရဟန်းသံဃာကို လက်အုပ်ချီပြီးလျှင် တစ်ခုသော နေရာ၌ ထိုင်လျက် ရဟန်းပြုခြင်း၏ အကျိုးတရားတို့ကို မေးလျှောက်ရာ၊ မြတ်စွာဘုရားရှင်သည် သာမညဖလ သုတ္တန် ဒေသနာတော်ကို အကျယ်တ၀င့် အနိမ့်ဆုံးအဆင့်မှ အမြင့်ဆုံးအဆင့်ထိ တစ်ဆင့်ပြီး တစ်ဆင့် ဟောကြားတော်မူသည်။

သာမညဖလ သုတ္တန်ကို နာကြားရအပြီးတွင်၊ အဇာတသတ်မင်းသည် မြတ်စွာဘုရားအား ဤစကားကို လျှောက်၏။

"အရှင်ဘုရား (တရားတော်သည်) အလွန်နှစ်သက်ဖွယ် ရှိပါပေ၏၊ ဥပမာသော်ကား မှောက်ထားသည်ကိုလှန်ဘိသကဲ့သို့လည်းကောင်း၊ ဖုံးလွှမ်းထားသည်ကို ဖွင့်လှစ်ဘိသကဲ့သို့ လည်းကောင်း၊ မျက်စိလည်သောသူအား လမ်းမှန်ကို ပြောကြားဘိသကဲ့သို့လည်းကောင်း၊ မျက်စိအမြင်ရှိသော သူတို့သည်အဆင်းတို့ကို မြင်ကြလိမ့်ဟု အမိုက်မှောင်၌ ဆီမီးတန်ဆောင်ကို ဆောင်ပြဘိသကဲ့သို့လည်းကောင်း၊ ဤအတူသာလျှင် မြတ်စွာဘုရားသည် များစွာသော အကြောင်းဖြင့် တရားတော်ကို ပြတော်မူပါပေ၏၊
အရှင်ဘုရား အကျွန်ုပ်သည် မြတ်စွာဘုရားကို ကိုးကွယ်ရာ ဟူ၍ ဆည်းကပ်ပါ၏၊ တရားတော်ကိုလည်း ကိုးကွယ်ရာဟူ၍ ဆည်းကပ်ပါ၏၊ သံဃာတော်ကို လည်း ကိုးကွယ်ရာဟူ၍ဆည်းကပ်ပါ၏၊
မြတ်စွာဘုရားသည် အကျွန်ုပ်ကို ယနေ့မှ စ၍ အသက် ထက်ဆုံး ကိုးကွယ်ဆည်းကပ်သော ဥပါသကာဟု မှတ်တော်မူပါ၊ အရှင်ဘုရား။ မိုက်သည့် အလျောက်တွေဝေသည့်အလျောက် မလိမ္မာသည့်အလျောက် အပြစ်သည် အကျွန်ုပ်ကို လွှမ်းမိုးသွား ခဲ့ပါ၏၊
အကျွန်ုပ်သည် တရားစောင့်သော တရားသဖြင့် မင်းပြုသော ခမည်းတော်ကို မင်းစည်းစိမ် ဟူသောအကြောင်းကြောင့် သတ်ခဲ့မိပါ၏၊
မြတ်စွာဘုရားသည် ထိုအကျွန်ုပ်၏ အပြစ်ကို နောင်အခါစောင့်စည်းခြင်းငှါ အပြစ်ဟု လက်ခံတော်မူပါ ဘုရား''ဟု လျှောက်၏။

"မင်းကြီး - မိုက်သည့်အလျောက် တွေဝေသည့်အလျောက် မလိမ္မာသည့်အလျောက် အပြစ်သည်သင့်ကို စင်စစ် လွှမ်းမိုးသွားခဲ့၏၊ သင်သည် တရားစောင့်သော တရားသဖြင့် မင်းပြုသောခမည်းတော်ကို သတ်ခဲ့မိ၏၊ မင်းကြီး သင်သည် အပြစ်ကို အပြစ်ဟု မြင်၍ အပြစ်အားလျော်စွာကုစားသောကြောင့် သင်၏ ထိုအပြစ်ကို၊ (အပြစ်ဟု) ငါတို့ လက်ခံကုန်၏၊
မင်းကြီး - အကြင်သူသည်အပြစ်ကို အပြစ်ဟု မြင်၍ အကြောင်းအားလျော်စွာ ကုစား၏၊ နောင်အခါ စောင့်စည်း၏၊ (ထိုသူ၏) ဤ (ကုစားစောင့်စည်းခြင်း) သည် အရိယာ၏ ဝိနည်းအဆုံးအမ၌ ကြီးပွားခြင်းပင်တည်း" ဟု မိန့်တော်မူ၏။

ထိုအခါ အဇာတသတ်မင်းသည် မြတ်စွာဘုရား ဟောတော်မူသော တရားတော်ကို အလွန်နှစ်သက်စွာ ခံယူ၍ ဝမ်းမြောက်စွာ ချီးကျူးပြီးနောက် နေရာမှ ထကာမြတ်စွာဘုရားကို ရှိခိုး၍ အရိုအသေပြုပြီးလျှင် ဖဲခွါသွားလေ၏။

မြတ်စွာဘုရားသည်အဇာတသတ်မင်း ပြန်သွား၍မကြာမီ ရဟန်းတို့ကို (ဤသို့) မိန့်တော်မူ၏-
''ရဟန်းတို့ - ဤမင်းသည် (မိမိတည်ရာကို မိမိ) တူးဖြိုခဲ့၏၊
ရဟန်းတို့ - ဤမင်းသည် (မိမိကိုယ်ကို မိမိ) ဖျက်ဆီးခဲ့၏၊
ရဟန်းတို့ - ဤမင်းသည် တရားစောင့်သော၊ တရားသဖြင့် မင်းပြုသော ခမည်းတော် ကိုမသတ်မိပါမူ၊ ဤမင်းအား ဤနေရာ၌ပင်လျှင် ကိလေသာမြူ အညစ်အကြေးကင်းသော တရားမျက်စိ (သောတာပတ္တိမဂ်ဉာဏ်) သည် ဖြစ်ပေါ်ရာ၏''ဟု မိန့်ဆိုတော်မူ၏။

ထိုနေ့တွင်ဟောကြားသော သာမညဖလ သုတ်တော်ကြောင့် အဇာသတတ်မင်းသည်၊
* အိပ်မပျော်သော ရောဂါဝေဒနာ ငြိမ်းအေးသက်သာခဲ့ရ၏။
* ရတနာသုံးပါးကို နှစ်နှစ်ကာကာ ယုံကြည်လာခဲ့၏။
* ပုထုဇဉ်တို့တွင် ရတနာသုံးပါးကို အကြည်ညိုဆုံး ဧတဒဂ်ရရှိခဲ့၏။
* နောင်သောအခါ၊ ပထမသင်္ဂါယနာတင်ပွဲကြီး ဖြစ်မြောက်အောင် ကူညီခဲ့သည်။
* နှောင်းခတ် ဗုဒ္ဓဘာသာဝင်များအတွက် ဓာတ်တော် များကို စနစ်တကျ သိမ်းဆည်းထားခဲ့သည်။
* ဗုဒ္ဓသာသနာတော်နှစ်ကို အတိအကျ သတ်မှတ်ပေးခဲ့သည်။
* ခမည်းတော်ကို သတ်ခဲ့သဖြင့် အပြစ်ကြီးလေးသော မဟာအ၀ီစီငရဲ၌ မခံရတော့ဘဲ အပြစ်ပေါ့သော လောဟကုမ္ဘီငရဲ၌ အနှစ်ခြောက်သောင်းသာ ခံရတော့သည်။
* ငရဲမှလွတ်ပြီး နောက်အနာဂတ်ကာလ၌ ၀ိဇိတာဝီအမည်ဖြင့် ပစ္စေကဗုဒ္ဓါဖြစ်ပြီး ကျွတ်တမ်းဝင်ပေတော့မည်။

တန်ဆောင်မုန်းလပြည့်နေ့တွင်၊ မြတ်စွာဘုရားက အဇာတသတ်မင်းအား သာမညဖလသုတ္တန်ကို ဟောကြားတော် မူသောကြောင့်၊ ဤနေ့ကို သာမညဖလ အခါတော်နေ့ ဟူ၍ သတ်မှတ်ကာ၊ သံဃာရတနာ၏ ဂုဏ်ကျေးဇူးအပေါင်းကို ပူဇော်ကြသည့် အချိန်အခါ ဖြစ်ပါသည်။

( သာမညဖလသုတ်ကိုမှီပြီးရေးသားတင်ပြထားပါသည်) ဓမ္မစမ်းရေ