dimanche 30 septembre 2012
mardi 18 septembre 2012
လောကကိုကျေးဇူးဆပ်လိသူ
ဒီခေါင်းစဉ်ကိုစဉ်းစားကတည်းကမြတ်ဗုဒ္ဓကိုအထူးသတိရမိပါတယ်၊မြတ်ဗုဒ္ဓသည်ဒီပင်္ကရာ
မြတ်ဘုရားရှင်လက်ထက်ကတည်းကသုမေဓာရှင်ရသေ့ဘ၀နဲ့နိဗ္ဗာန်ကိုမျက်မှောက်ပြုနိုင်သော်လဲ
လောကရဲ့ဆွေတော်မျိုးတော်တို့အားသူနဲ့အတူတခါတည်းခေါ်သွားချင်တာကြောင့်လေးအသင်္ချေနဲ့
ကမ္ဘာတသိန်းပါရမီတွေဖြည့်ကျင့်အပင်ပန်းတွေခံအဆင်းရဲတွေခံကာမြတ်ဘုရားအဖြစ်သို့ရောက်ရှိအောင် အတော်ကြိုးစားခဲ့ရတယ်။
မြတ်ဘုရားအဖြစ်သို့ရောက်ရှိသောအခါလေးဆယ့်ငါးဝါပါတ်လုံးမနားမနေလူနတ်ဗြဟ္မာသတ္တ၀ါတို့အား
တရားရေအေးတိုက်ကျွေးရင်း…နောက်ဆုံးပရိနိဗ္ဗာန်ဝင်စံခါနီးအထိ၊သုဘဒ္ဒရဟန်းကြီးအားလောကကိုကျေးဇူးဆပ်ခဲ့တယ်။
နောက် တယောက်မြင်မိတာကစာရှု့သူတို့ဗိမ္ဗိသာရမင်းဆိုတာသာသနာမှာထင်ရှားတဲ့မင်းတပါးဖြစ်သည့်အတွက်ကြောင့်
အထူးပြောစရာမလိုပါ၊ဒါပေမဲ့…မင်းကြီးလဲလောကကိုဘ၀နဲ့စတေးပြီးလောကကိုကကျေးဇူးဆပ်လိုသူအဖြစ်နဲ့မြင်မိလို့
စာရေးသူနည်းနည်းရေးချင်မိတယ်။
ဗိမ္ဗိသာရ မင်းဟာသောတာပန်မင်းဖြစ်တယ်၊ဘာဖြစ်လို့ မင်းကြီးဟာတရားဓမ္မကိုဆက်လက်အားမထုတ်ဘဲ ဘာဖြစ်လို့ဒီလောက်နဲ့ကျေနပ်နေရတာလဲလို့တွေးမိလို့ပါ။
တကယ်တော့မင်းကြီးဟာသောတာပတ္တိဖိုလ်၏အရသာကိုခံစားပြီးနောက်ကျန်နေသော သကဒါဂါမိမဂ်..ဖိုလ်.အနာဂါမိမဂ်..ဖိုလ်.အရတ္တမဂ်..ဖိုလ်…တရားခံစားဖို့ရန်ဆက်လက်ပွားများ
အားထုတ်လိုသော်လဲ မင်းကြီးမှာဆောင်ရွက်ရန်ကိစ္စရပ်တာဝန်လေးတရပ်ရှိနေသေးလို့လို့ထင်ပါတယ်။
လူဆိုတာလောကမှာမိမိလုပ်လိုသောလုပ်ငန်းများကိုလုပ်ရသည်မဟုတ်၊ လုပ်သင့်သောလုပ်ငန်းများကိုလူသားမျိုးနွယ်တွေအတွက်လုပ်ဖို့ရန်သာဖြစ်တယ်။
“သဒ္ဓမ္မော ၀ိဂုဏော သေယျော၊ ပရဓမ္မာ သုနုဋ္ဌိတာ”။ မိမိ၏တာဝန်သည်လောကအမြင်အားဖြင့်ဂုဏ်ငယ်စေကာမူ..လောကအမြင်အားဖြင့်
ဂုဏ်ကြီးသူတပါးတာဝန်ကိုဝင်ရောက်ဆောင်ရွက်ခြင်းထက်ပိုပြီးမြင့်မြတ်ပါတယ်။
လောကုတ္တရာအနေနဲ့ပြောရရင်မြင့်မြတ်တယ်ဆိုတာလုပ်ငန်းအကြီးအသေးအပေါ်မှာမူမတည်၊မိမိလုပ်တဲ့ လုပ်ငန်းမှာတာဝန်ကျေပွန်အောင်လုပ်ဆောင်ခြင်း စိတ်ထားကောင်းစွာထားခြင်းအပေါ်မှာမူတည်ပါတယ်။
လောကဟူသည် အမြဲလည်ပါတ်နေသောနာရီလေးနဲ့တူပါတယ်၊နာရီလေးမှာလက်တံလေးတွေရှိတယ်၊
အဲဒီလက်တံလေးတွေဟာသူဟာနဲ့သူလည်ပါတ်နေမှအချိန်ဆိုပြီးလူတွေသတ်မှတ်ရတာ၊
တကယ်လို့လက်တံလေးတွေကလည်ပါတ်မှုမရှိဘူးဆိုရင်လက်တံတခုခုကတာဝန်မကျေဘူးဆိုရင်
လူတွေရဲ့အချိန်သတ်မှတ်မှုဟာလည်းရမှာမဟုတ်ပါဘူး။
ဒါကြောင့်မြင့်မြတ်မှုဟူသည်လုပ်ငန်းအကြီးအသေးအပေါ်မှာမူမတည်၊မိမိလုပ်ငန်းဆောင်ရွက်ရာတွင်
ကျွေပွန်အောင်ဆောင်ရွက်နိုင်ခြင်းမျိုးကသာမူတည်ပါတယ်။
ဗိမ္ဗိသာရမင်းကြီးမှာဆောင်ရွက်ရမည့်တာဝန်ကိစ္စရပ်ကလေးရှိပါတယ်၊ထိုတာဝန်ကိစ္စက
ဖုဿမြတ်စွာဘုရားရှင်လက်ထက်ကသံဃိကပစ္စည်းသုံးခဲ့မိလို့ပြိတ္တာဖြစ်နေသောဆွေတော်မျိုးတော်
တို့အားကယ်တင်ရေးကိစ္စရပ်ကလေးပါပဲ။
မိမိဆွေတော်မျိုးတော်တို့အားကယ်တင်ရေးကိစ္စမှာ"ကံဟူသည်အစိန္တေယျဖြစ်သည်ဟူသောမြတ်ဘုရားဒေသနာအရ"
ဆိုရင်အထူးအဆန်းတော့မဟုတ်ဘုရားအမှူးရှိသောသံဃာတော်တွေဆွမ်းသင်္ကန်းဆက်ကပ်လိုက်ပြီးဆွေတော်မျိုးတော်
တို့အားအမျှဝေခြင်းပင်ဖြစ်၏။
ဆွေတော်မျိုးတော်တို့ကသာဓုနုမောဒနာပြုနိုင်လျှင်ချက်ချင်းအကျိုးကျေးဇူးကိုရနိုင်ပါတယ်၊
ထိုကိစ္စရပ်တွေဆောင်ရွက်နိုင်ဖို့လဲ မြတ်ဘုရားသည်မင်းကြီးထံမှဝေဠုဝန်ကျောင်းတော်ကြီးကို
အလှူခံပြီးနောက်တနေ့မှာ တိရောကုဋ္ဋသုတ်ကိုဟောတော်မူခဲ့သည်မဟုတ်လား?။
ထိုသုတ်မှာ မြတ်ဘုရားကမင်းကြီးဟာလူတို့၏ဘ၀ပေးတာဝန်ကိုနားလည်အောင်ဟောကြားခဲ့တယ်၊
သတ္တ၀ါဟူသည်အစမထင်သောသံသရာကကျင်လည်ခဲ့ရသည်သံသရာကျင်လည်နေသမျှကာလပါတ်လုံး..
တဦးနှင့်တဦးဆွေမျိုးတော်စပ်ခဲ့ဖူးပါတယ်မိတ်ဆွေဖြစ်ခဲ့သလိုရန်သူလည်းဖြစ်ခဲ့ပါတယ်ကျေးဇူးရှင်လည်းဖြစ်ခဲ့ပါတယ်။
ရာသီဥတုကလည်းကောင်း..အစာအာဟာရကလည်းကောင်း..ပုဂ္ဂိုလ်သတ္တ၀ါတို့လည်းကောင်း..
နေရာဋ္ဌာနကလည်းကောင်း..သတ္တ၀ါတွေမှာကျေးဇူးပြုနေကြတာပါပဲ၊ဟုမြတ်ဘုရားဟောတော်မူခဲ့ပါတယ်၊
ထိုဒေသနာအရဆိုရင် လောကမှာရှိနေသောသူမှန်သမျှကျေးဇူးရှင်တွေချည်းပါပဲ။
"လူဆိုတာတတ်နိုင်သလောက်မိမိပါတ်ဝန်းကျင်ကိုပြန်လည်ကျေးဇူးဆပ်လိုသည့်သဘောဖြင့်ဆက်ဆံရာ၏"
ကျေးဇူးဆပ်တယ်ဆိုတာသူ့ဆီကတစုံတခုသောမျှော်လင့်ချက်မထားဘဲသူ့ကိုထောက်ပံ့မှုသက်သက်ဖြင့်ကျေးဇူးဆပ်ရာ၏။
"သူတပါးကိုများများပေးနိုင်လေမိမိများများကျေနပ်ရလေ"၊ထိုကြောင့်မြတ်ဘုရားကတိရောကုဋ္ဋသုတ်မှာလောကကိုကျေးဇူးရှင်
အဖြစ်ကြည့်တတ်သောကတညုတမျက်စိဖြင့်ကြည့်တတ်အောင်ဟောထားခဲ့ပါတယ်။
တကယ်လို့ဗိမ္ဗိသာရမင်းကြီးဟာလောကီအနေနဲ့ကြည့်ရင်မင်းလုပ်ဖို့ရန်စိတ်မ၀င်စားတော့ဘဲ
လောကုတ္တရာအလုပ်များသာစိတ်ဝင်စားနေရင်ဗိမ္ဗိသာရမင်းကြီးသည်လောကအပေါ်တာဝန်မကျေသူဖြစ်ရလိမ့်မယ်။
အမှန်အားဖြင့်မင်းကြီးသည်မင်းဘ၀ဖြင့်ပင်လောကအပေါ်ကျေးဇူးဆပ်ခြင်းအားဖြင့်လိုသေးသောပါရမီကိုဖြည့်စည်းကာ
တခုသောဘ၀တွင်အရဟတ္တမဂ်..ဖိုလ်..သို့မျက်မှောက်ပြုမည့်သူဖြစ်ကြောင်းမြတ်ဘုရားသိတော်မူပြီးဖြစ်သည်မဟုတ်ပါလား?။
စာရေးသူရဲ့ဆရာကတော့ကမ္ဘာလောကလူသားတွေကိုအလင်းတန်းရစေဖို့ထွန်းလင်းပေးတဲ့ငွေစန္ဒာလမင်းပမာ
ကမ္ဘာလောကလူသားတွေကိုအကျိုးမပြုနိုင်သော်လဲတပင်သောငါဟာတသောင်းမကသောငှက်တွေနားခိုဖို့ရန်
ငါရှင်သန်ကြိုးစားမယ်တဲ့။စာရှု့သူတို့လဲလောကကိုကျေးဇူးဆပ်လိုသူအဖြစ်နဲ့ရှင်သန်ကြိုးစားနိုင်ကြပါစေ။။။။။
jeudi 13 septembre 2012
ပျော်ရွှင်နိုင်အောင်ရောင့်ရဲ့ကြစို့
မြတ်ဘုရားကတော့ “သန္တုဋ္ဌီ ပရမံ စိတ္တံသုခံ”ံတင့်တိမ်ရောင့်ရဲမှုဟာအမြင့်မြတ်ဆုံးကြွယ်ဝမှု စိတ်ချမ်းသာမှုလို့ဟောထားပါတယ်၊ဒီချမ်းသာမှုဟာလူ့ဘ၀ရလာတဲ့အခိုက်မှာအရာရာပြီးပြည့်စုံတဲ့
ချမ်းသာသုခပါပဲ ဒီလိုချမ်းသာကြွယ်ဝမှုတွေချို့တဲ့နေရင်တော့ တခြားဘာတွေပဲရှိရှိ ဘယ်လောက်ပဲရှိရှိ အမြဲလိုလိုဆင်းရဲပူပန်နေ၇အုံးမှာပါပဲ။
တကယ်တော့လူ့လောကမှာ ချမ်းသာတယ်ဆင်းရဲတယ်ဆိုတာ အလိုပြည့်မှု မပြည့်မှုကြောင့်ပါပဲ အလိုဆိုတာကလည်း လိုချင်တဲ့အလို လိုအပ်တဲ့အလိုဆိုပြီးနှစ်မျိုးခွဲခြားထားပါတယ်။
လိုချင်တဲ့အလိုကအကန့်သတ်မဲ့စည်းလွတ်ဘောင်လွတ်လိုချင်တဲ့သူကပြည့်ဝတယ်ဆိုတာမရှိပါဘူး
၊ရောင့်ရဲမှုဆိုတာမရှိပါဘူး၊လိုအပ်တဲ့အလိုကျတော့ရောင့်ရဲ့မှုကလိုချင်တဲ့အလိုရမ္မက်ကိုနှိမ်နင်းပြီး
လိုအပ်တဲ့အလိုကိုလိုအပ်ချက်အတိုင်းလိုက်လံ၇ှာဖွေကာပြည့်အောင်ဖြည့်စည်းပေးတာကိုရောင့်ရဲ့မှုရယ်လို့ခေါ်ကြတယ်။
တင်းတိမ်ရောင့်ရဲမှုဟာ တချို့ထင်သလို လူမိုက် လူဖျင်းတို့ရဲ့ဆင်ခြေစကားမဟုတ်ပါ၊လိုချင်တာနဲ့ လိုအပ်တာကိုခွဲခြားသိနိုင်ဖို့ပါပဲ၊လိုချင်တာကိုချုပ်တီးထားနိုင်ရမယ်၊လိုအပ်တာကိုဖြည့်စည်းပေးနိုင်ရမယ်၊
ဒီလိုလုပ်ဆောင်နိုင်မှုဟာ သူတော်ကောင်းတွေရဲ့အကျင့်စရိုက်လက္ခဏာပါပဲ။
မြတ်ဘုရားကတော့ လူတိုင်းလိုချင်တဲ့အရာလေးမျိုးရှိတယ်။
(၁) တရားသဖြင့်ချမ်းသာကြွယ်ဝမှု။
(၂)ကျေနပ်ဖွယ်အခြံအရံပေါများခြင်း။
(၃)ကျမ္မာခြင်း။
(၄)သေသောအခါကောင်းရာလားခြင်း။တို့ပဲဖြစ်ပါတယ်။
လူ့ဘ၀ရလာပြီဆိုရင်တဏှာ၊မာန၊ဒိဋ္ဌိ၊တရားတွေရှိနေသမျှကာလပါတ်လုံးသူတော်ကောင်းတို့ရထားတဲ့
မှန်ကန်တဲ့အကျိုးကျေးဇူးတွေကိုရလိမ့်မယ်မဟုတ်ပါ၊သဒ္ဓါ၊သီလ၊သုတ၊စာဂ၊ပညာ၊ဟိရ၊သြတပ္ပ၊ဟူသော သူတော်ကောင်းတရားတွေနဲ့သုံးသပ်ဆင်ခြင်နိုင်မှသာ မှန်ကန်တဲ့အကျိုးကျေးဇူးကိုရရှိမှာဖြစ်ပါတယ်။
ဒီနေရာမှာ…ရှိနေတာလေးနဲ့ပျော်၇ွှင်နိုင်တဲ့သူတယောက်အကြောင်းပြောပြပါရစေ၊တခါတုံးက မြို့တမြို့မှာ အလွန်ဆင်းရဲပြီး ရေထမ်းရောင်းတဲ့ဆင်းရဲသားလေးရှိခဲ့ဖူးတယ၊်နာမည်လေးကတော့မောင်လမင်းတဲ့
မောင်လမင်းလေးဟာသဋ္ဌေးကြီးရဲ့အိမ်နံဘေးမှာတဲထိုးပြီးနေထိုင်ရတယ်။
မောင်လမင်းလေးဟာမနက်မိုးလင်းပြီဆိုကတည်းက..ဘုရားရှိခိုး..မေတ္တာပို့…အမျှဝေပါတယ်သူလုပ်နေကျအလုပ်ပြီးပြီဆိုရင်ပခုံးပေါ်ရေပုံးတင်ကာထွက်လာရပါတော့တယ်၊ပြီးးတော့ရေတွေခပ်ပြီးမှာယူတဲ့အိမ်တွေဆီကိုအရောက်ပို့ပေးရပါတယ်။
မောင်လမင်းလေးဟာရေခပ်နေရင်းလဲ သီချင်းကလေးတအေးအေး လေကလေးတချွန်ချွန်နဲ့ပျော်ပျော်ရွှင်ရွှင်အမြဲလိုလိုနေထိုင်တတ်တယ်၊
သဋ္ဌေးကြီးဟာသူ့ကိုအမြဲတွေ့တယ်၊သဋ္ဌေးကြီးကအသံကြားတဲ့အခါအင်မတန်စိတ်ချမ်းသာတယ်၊
သူ့စိတ်ထဲမှာလည်းတွေးတယ်၊ဆင်းရဲတဲ့သူတွေဟာလူဖြစ်ရကျိုးနပ်တယ်၊အပူပင်ကြောင်းကြမှုဘာမှမရှိဘူး၊ပျော်ပျော်ရွှင်ရွှင်နေတတ်ကြတယ်။
တို့မှာတော့မရှိတောင်းတ..ရှိကြောင်းကြဆိုသလိုအေးအေးဆေးဆေးပျော်ပျော်ရွှင်ရွှင်ဆိုတာကိုမရှိဘူး
၊မောင်လမင်းလေးကတော့မနက်ပိုင်းရေထမ်းပြီးပြီဆိုရင်နေလည်စာအတွက်အိမ်ကိုပြန်ကာ
ထမင်းချက်စားပြီးအမောဖြေတတ်တယ်၊နားနေတဲ့အချိန်မှာလည်း ပျော်ပျော်ရွှင်ရွှင် သီချင်းကလေးငြီးနေတတ်တယ်။
အဲဒီအချိန်မှာသဋ္ဌေးကြီးကတော့ပစ္စည်းဥစ္စာချမ်းသာသလောက်စိုးရိမ်ပူပန်မှုတွေနဲ့ညစဉ်အိပ်မပျော်တာမို့နေ့လည်စာစားပြီးရင်
ခဏလေးအိပ်တတ်တယ်၊သဋ္ဌေးကြီးနေ့လည်အနားယူအိပ်စက်တဲ့အချိန်မောင်လမင်းလေးအနားယူတဲ့အချိန်ကတိုက်နေတော့
..မောင်လမင်းလေးရဲ့သီချင်းသံကိုနေ့စဉ်ကြားနေရတော့သဋ္ဌေးကြီးကိုသီချင်းလေးနဲ့ချော့သိပ်သလိုဖြစ်နေတာမို့မောင်လမင်းလေးကို
သဘောကျနေတယ်။
တရက်မှာ….မောင်လမင်းလေးကိုသဋ္ဌေးကြီးကအိမ်ကိုခေါ်ပြီးတော့အမောင်..အမောင်သီချင်းသံကိုနားထောင်ရင်း
အိပ်ရတာတော်တော်အဆင်ပြေတယ်၊အဲဒါကြောင့်အမောင့်ကိုဆုချတဲ့အနေနဲ့အသပြာတရာယူသွားပါလို့ပြောပြီးပေးလိုက်တယ်၊
တနေ့ ရေထမ်းရောင်းတာက..တမတ်….ငါးမူးပဲရတာမောင်လမင်းလေးကခုတော့ငွေတရာရတာဆိုတော့ဝမ်းမြောက်ဝမ်းသာဖြစ်ပြီး
ယူသွားတာပေါ့အိမ်လဲရောက်ရောငွေတရာကိုမြေကြီးထဲမြှပ်ထားလိုက်တယ်။
မောင်လမင်းလေးဟာငွေတရာရသည့်နေ့ကစပြီး စိုးရိမ်မှုတွေဖြစ်တတ်လာပြီး အရင်ကလိုပျော်ရွှင်မှုမရှိ သီချင်းလဲမဆိုညဘက်ဆိုရင်လည်းကောင်းကောင်းအိပ်မပျော်မကြာခဏဆိုသလိုမြှပ်ထားတဲ့ငွေထုတ်ကိုသတိရနေတတ်တယ်။
မောင်လမင်းလေးဟာ..ဒီငွေထုတ်ကြောင့်စိုးရိမ်သောကဖြစ်နေရတာကိုမကျေမနပ်ဖြစ်လာတယ်၊ဆက်ပြီးလဲသီးမခံနိုင်တော့ဘူး၊
ဒီငွေမရှိလည်းဘာမှမဖြစ်ဘူး၊ရှိပူနေရသေးတယ်၊မရှိတော့နားအေးတယ်ဆိုပြီးငွေထုတ်ကိုဖော်ထုတ်ကာသဋ္ဌေးကြီးကိုပြန်ပေးလိုက်တယ်။
သဋ္ဌေးကြီးဆီလဲသွားရောသဋ္ဌေးကြီးကမောင်လမင်းလေးကိုမေးတယ်၊သီချင်းသံလည်းမကြားရတော့ပါလား
နေမကောင်းဘူးလားလို့ဆီးကြိုပြီးမေးတယ်။
မောင်လမင်းကသဋ္ဌေးကြီးကိုကျွန်တော်မပျော်ရွှင်စွာနဲ့သီချင်းမဆိုနိုင်တာဟာနေမကောင်းလို့မဟုတ်ပါဘူး၊
သဋ္ဌေးကြီးပေးတဲ့ငွေထုတ်ကြောင့်ပါ၊ဒီငွေထုတ်ကိုအချိန်နှင့်အမျှပူပန်နေရလို့သီချင်းဆိုချင်တဲ့စိတ်မရှိပါ၊
စိတ်ပျော်ရွှင်မှုလည်းမရှိပါလို့ပြောပြီးငွေထုတ်ကိုပြန်ပေးလိုက်ပါတယ်။ငွေထုတ်ပေးခဲ့ပေးပြီးခဲ့တဲ့နေ့ကစပြီး သီချင်းသံကြားရပါစေမယ်၊လို့ပြောပြီးပြန်သွားပါတယ်။
သဋ္ဌေးကြီးကငွေထုတ်ကိုသေချာကြည့်ပြီးဒီနေ့ကစပြိးပိုက်ဆံရှိလူချမ်းသာပဲဖြစ်ရစေမယ်၊
ပိုက်ဆံရှိလူဆင်းရဲမဖြစ်စေရဘူး၊ငွေပိုင်၇ှင်ပဲဖြစ်ရစေမယ်၊ငွေပိုင်ကျွန်မဖြစ်စေရဘူးဟုကြုံးဝါးလိုက်တယ်။
ဒီပုံပြင်လေးဟာ ရရှိတာလေးနဲ့ရောင့်ရဲနိုင်မှုကိုဖော်ပြနေတာပါ၊ဒီပုံပြင်လေးဟာခုခောတ်နဲ့မလျော်ညီနိုင်ပေမဲ့ “ရှိတာလေးနဲ့လှအောင်ဝတ်..ရတာလေးနဲ့ဝအောင်စား….ပိုလျှံတာကိုအလှူပေးဆိုတဲ”့ရှေးမြန်မာတိုရဲ့
စိတ်နေစိတ်ထားလေးကိုတော့လွမ်းနေအောင်ပြုလုပ်နေသလိုပါပဲ။
လူတိုင်းတော့မတူပါဘူးတချို့ကစိတ်ချမ်းသာတယ်၊ပစ္စည်းဥစ္စာမပြည့်စုံဘူး၊တချို့ကပစ္စည်းဥစ္စာပြည့်စုံတယ်၊.
စိတ်မချမ်းသာဘူး၊လူ့ဘ၀မှာပြည့်စုံတယ်ဆိုတာတော့ရှားပါတယ်၊
ဒီလိုဖြစ်၇တာဟာဘ၀ပေးအခြေအနေလို့မသတ်မှတ်လိုက်ပါနဲ့မသက်ဆိုင်ပါဘ၀ပေါ်မှာထားတဲ့သဘောထားနဲ့သက်ဆိုင်ပါတယ်။
တကယ်တော့ဘ၀မှာအောင်မြင်မှုဆိုတာကိုယ်လိုချင်တာရတာဖြစ်ပြီးပျော်ရွှင်ချမ်းသာမှုဆိုတာကတော့ကိုရတာလေးနဲ့ ရရှိတာလေးနဲ့ပျော်ရွှင်နိုင်အောင်နေတတ်ဖို့ပါပဲ။ဓမ္မစမ်းရေသောက်သုံးနိုင်ပါစေ။။။။
samedi 8 septembre 2012
မိတ်ဆွေဘယ်သို့သွားမည်နည်း
လူ့ဘုံဋ္ဌာန လူ့လောက၀ယ်၊
ပြင်ကြဆင်ကြ လိမ်းချယ်ကြနှင့်၊
အလှများစွာ ရှိနေပါ၏။
မြင်ကာတွေ့ရ ရုပ်အလှသည်။
ဘ၀အတွက်တာ အကာသာတည်း။
လှတာချင်းတူ ယှဉ်ကြည့်မူကား။
ယဉ်သူကသာ ပိုလှပါ၏။
ယဉ်တာချင်ယှဉ် ယှဉ်ပြိုင်မူကား။
စိတ်ဖြူသူက ပိုလှပါ၏။
စိတ်လှရုပ်လှ ထိုနှစ်၀၀ယ်။
စိတ်လှဖြောင့်မတ် ဂုဏ်ယူအပ်၏။
စိတ်ဓာတ်ဖြူစင် အလှရှင်ကို။
ချစ်ခင်တမ်းတ လေးစားကြ၏။
လောကလူ့ရွာ စည်ပင်လာဖို့။
သာယာချမ်းမြ တင့်တယ်ကြဖို့။
စိတ်လှသူတွေ လိုအပ်နေပြီ။
မိတ်ဆွေဘယ်သို့ လှမည်နည်း။
vendredi 7 septembre 2012
ပေးလိုသူအဖြစ်နဲ့ချဉ်းကပ်ကြရအောင်
မြတ်ဗုဒ္ဓသည်သဗ္ဗညုတဥာဏ်ရရှိပြီးသည့်နောက် လောကကြီးကိုကြည့်ရှု့တော်မူပါတယ်၊
၊မြတ်ဗုဒ္ဓတွေ့တာက ဥာဏ်ပညာနုံ့သောသူတွေကိုသာများသောအားဖြင့်တွေ့ရတယ် ဥာဏ်ပညာထက်သောသူတွေ့တာနည်းလို့ မြတ်ဗုဒ္ဓစဉ်းစားသွားတယ်။
ငါ့ရဲ့တရားတော်တွေဟာလေးနက်တယ်၊နက်ရှိုင်းလွန်းလှတယ၊်ဥာဏ်ပညာနုံချာသောသူတို့အဖို့
သိဖို့မလွယ်ကူဒီလိုဥာဏ်ပညာနုံချာတဲ့သူတွေကိုတရားဓမ္မဟောကြားခြင်းအားဖြင့်ကိုယ့်ကိုကို
အပင်ပန်းခံတာနဲ့အတူတူပဲ တရားဟောဖို့စိတ်တွန့်သွားတယ်။
အဲဒီလိုစိတ်အကြံဖြစ်နေတဲ့အချိန်မှာ သဟမ္ပတိဗြဟ္မာကြီးကမြတ်ဘုရားရဲ့အတွေးကိုသိလို့ မြတ်ဘုရားကိုလျှောက်ပါတယ်၊
ကောင်းသောစကားကိုဆိုတော်မူတတ်သောမြတ်ဘုရားလူနတ်ဗြဟ္မာသတ္တ၀ါအပေါင်းကို
တရားရေအေးတိုက်ကျွေးပါလော့အရဟံအစဘဂ၀ါအဆုံးကိုးပါးသောဂုဏ်တော်တို့နှင့်
ပြည့်စုံတော်မူသောမြတ်စွာဘုရားလူနတ်ဗြဟ္မာသတ္တ၀ါအပေါင်းအားတရားရေအေးတိုက်ကျွေးပါလော့..
သုံးကြိမ်တိုင်မြတ်ဘုရားအားလျှောက်တင်ပါတယ်။
မြတ်ဘုရားကလည်းရှေးကသူမြင်ခဲ့တဲ့အကြောင်းကိုပြောပြပါတယ်၊ သဟမ္ပတိဗြဟ္မာကြီးက မြတ်ဘုရားအား ဥပမာလေးနဲ့လျှောက်တယ်၊
ဘုန်းတော်ကြီးတော်မူသောမြတ်စွာဘုရား..လောကရေပြင်ကျယ်မှာလောကကိုအလှဆင်တဲ့ကြာမျိုးစုံပွင့်ကြပါတယ်ဘုရား
အဲဒီကြာတွေကသူတို့ပွင့်ကြတာဟာမျိုးစုံပါပဲဘုရားတချို့သောကြာပွင့်ကလေးတွေဟာရေပေါ်မတက်နိုင်လို့ရေအောက်ကပဲ
ပွင့်ကြပါတယ်ဘုရားရေအောက်ကပွင့်ကြလို့လောကကိုအလှမဆင်နိုင်ကြဘူး။
တချို့သောကြာပွင့်ကလေးတွေကရေနဲ့တပြေးညီပွင့်ကြပါတယ်၊ရေနဲ့တပြေးညီပွင့်ကြတဲ့
့ကြာပွင့်ကလေးတွေကတော့လောကကိုတထောင့်တနေရာကနေပြီးအလှဆင်ပေးနိုင်တဲ့ကြာပွင့်ကလေးတွေလဲရှိပါတယ်။
တချို့သောကြာပွင့်ကလေးတွေကတော့ရေထက်ကျော်ပြီးပွင့်ကြပါတယ်၊
၊ရေထက်ကျော်ပြီးပွင့်ကြတဲ့ကြာပွင့်ကလေးတွေကတော့လောကကိုပိုပြိးအလှဆင်ပေးနိုင်တဲ့သဘောရှိပါတယ်ဘုရား။
ခုလဲပဲ…ဥာဏ်ပညာထက်တဲ့ပုဂ္ဂိုလ်ဥာဏ်ပညာအလည်အလတ်ရှိတဲ့ပုဂ္ဂိုလ်ဥာဏ်ပညာနုံ့တဲ့ပုဂ္ဂိုလ်ဟူသည့်
သုံးဦးရှိသည့်အနက်ဥာဏ်ပညာနုံ့တဲ့သူကိုထားပြီးကျန်သောနှစ်ဦးကိုထောက်ထားသောအားဖြင့်မြတ်ဘုရား
တရားဟောတော်မူပါ၊မြတ်ဘုရားရဲ့တရားတော်ကိုနာယူဖို့ရန်လူနတ်ဗြဟ္မာသတ္တ၀ါအားလုံးကမျှော်လင့်နေကြပါတယ်ဘုရား ဟုလျှောက်တင်လိုက်ပါတယ်။
ဒီစကားကိုဘာလို့ပြောတာလည်းဆိုတော့ မြတ်ဘုရားကလောကကြီးကိုရယူမှုနဲ့လာတာမဟုတ်ဘူး၊
ပေးလိုသူအဖြစ်နဲ့လာတာဖြစ်လို့တသောင်းသောစင်္ကြ၀ဠာတိုက်ကနတ်ဗြဟ္မာတွေဝမ်းပန်းတသာကြိုဆိုကြတယ်၊
၊တောင်းပန်မှုတွေပြုကြတယ်၊ ဒါဟာပေးလိုသူတို့ရဲ့စွမ်းအား ပေးလိုသူတို့ရဲ့သတ္တိတွေပါပဲ။
နောက်..မြတ်ဘုရားကဗာရာဏသီမြို့ကိုကြွပြီးပဉ္စ၀ဂ္ဂီငါးဦးကိုတရားဟောဖို့ကြွမြန်းတဲ့အချိန်အခါမှကောဏ္ဍည ဘဒ္ဒိယ ၀ပ္ပ မဟာနာမ် အဿဇိ တို့ကမြတ်ဘုရားကြွလာတာမြင်လို့သူတို့ငါးဦးတိုင်ပင်ထားကြတယ်။
အစားကြူးတဲ့ရဟန်းကြီး..လာဘ်လာဘပေါများအောင်ကျင့်ကြံတဲ့ရဟန်းကြီးလာနေပြီ ငါတို့သူတို့မခေါ်ကြနဲ့ ခရီးဦးကြိုဆိုမှုလည်းမပြုကြနဲ့ ဟုတယောက်ကိုတယောက်ပြောပြီး ကတိက၀တ်ပြုထားကြတယ်။
မြတ်ဘုရားလဲ သူတို့နားရောက်ရောဘယ်သူမှ မနေနိုင်တော့ပါဘူး တယောက်ကသပိတ်ကိုယူ တယောက်ကခြေဆေးပေး တယောက်ကနေရာထိုင်ခင်းပေး တယောက်ကသောက်ရေတွေကပ် တယောက်ကစိုနေတဲ့ခြေထောက်ကိုသုတ်ပေးနဲ့သူတို့ပြုထားတဲ့ကတိက၀တ်တွေကိုအားလုံးကိုမေ့လျော့ကုန်ပါတော့တယ်။
ဒါဟာဘာကြောင့်လဲ..မြတ်ဘုရားသူတို့ဆီသွားတာဟာရယူမှုအတွက်သွားတာမဟုတ်မြတ်ဘုရားကသူတို့ဆီကို တရားဓမ္မတွေပေးဖို့သက်သက်နဲ့သွားတာပါ။
သူတို့ဆီကိုပေးလိုသူအဖြစ်နဲ့ချဉ်းကပ်တာဒါကြောင့်သူတို့တွေဘယ်လိုပင်ကတိက၀တ်ပြုငြားသော်လည်း
မနေနိုင်ရှာပါဘူး၊မြတ်ဘုရားကိုပြုစုလုပ်ကျွေးကြရတယ်၊ဒါဟာပေးလိုသောသူတို့ရဲ့သတ္တိပေးလိုသူတို့ရဲ့စွမ်းအား
ဂုဏ်အင်တွေပါပဲ။
လောကကြီးထဲမှာရှိနေတဲ့ သူတွေကိုကြည့်လိုက်ပါအုံး မိမိအိမ်ကိုအသပြာတောင်းဖို့လာတဲ့သူနဲ့ အသပြာပေးဖို့လာတဲ့သူနှစ်ယောက်ကိုcompareလုပ်ကြည့်ပါ ထူးထူးခြားခြားမြင်တွေ့ရပါလိမ့်မယ်။
ဒါကြောင့်မို့ စာရေးသူပြောချင်တာက သူတပါးအလေးဂရုပြုတာခံချင်ရင် ကြည်ညိုတာခံချင်ရင် လူတိုင်းလူတိုင်းကိုပေးလိုသူအဖြစ်နဲ့ချဉ်းကပ်ကြပါဘယ်သောအခါကာလမှရယူလိုသည့်ပုံစံမျိုးနဲ့မချသ်းကပ်မိပါစေနဲ့
ပေးလိုသူအဖြစ်နဲ့ချဉ်းကပ်ကြရင် အောင်မြင်မှုတွေ ပျော်ရွှင်မှုတွေ စိတ်ချမ်းသာစရာတွေသယ်ဆောင်လာပါလိမ့်မယ် မယုံရင်စမ်းကြည့်လိုက်ပါ။
အားလုံပေးလိုသူအဖြစ်နဲ့ချဉ်းကပ်နိုင်ကြပါစေ။။။ဓမ္မစမ်းရေသောက်သုံးနိုင်ပါစေ။။။
Inscription à :
Articles (Atom)
