လူတွေပြောနေတဲ့အဖန်ငါးရာငါးကမ္ဘာ

ဗုဒ္ဓဘာသာမြန်မာအများရဲ့အတွေးလေးတခုရှိနေတတ်ပါတယ်အဲဒါကတော့မနေ့ကဒကာတယောက်
လှမ်းမေးထားတယ်ကိုယ့်ကိုကိုသတ်သေတာအဖန်ငါးရာငါးကမ္ဘာခံရတယ်ဆိုတာဟုတ်ပါသလားတကယ်
လို့မှန်တယ်ဆိုရင်တချို့ရဟန္တာတွေခန္ဓာကိုယ်ကြီးကိုရွှံမုန်းလို့သတ်သေကြတော့တဲ့ရဟန္တာတွေကြတော့
ဘယ်လိုရှင်းမလဲဘုရားတဲ့။

ဒီအကြောင်းကိုကိုယ်တိုင်ကလည်းငယ်ငယ်ကကြားဖူးပေမဲ့သေချာမစဉ်းစားခဲ့ပါဘူးခုတော့တွေးရပါပြီ
 ရေးရပါပြီ မေးသောသူကိုလည်းကျေးဇူးတင်မိတယ် တွေးဖြစ်လာ ရေးဖြစ်လာလို့ စာတွေကြည့်ဖြစ်လာလို့ပေါ့။

တကယ်တော့ အဲဒီလို ကိုယ့်ကိုယ်ကို သတ်သေရင် နောင်ဘဝတွေမှာလည်း ဘဝပေါင်းငါးရာ တိုင်အောင် အခုလိုပဲ သတ်ပြီးသေရတယ်ဆိုတဲ့ အယူအဆဟာ လွဲမှားနေတယ်လို့ယူဆမိတယ် စာရေးသူကိုယ်တိုင်ကတော့ စာပေပဲမနှံ့စပ်လို့လား တော့မသိဘူး။

ဘုရားဟောမှာလည်းမတွေ့ဘူးသလို ကျမ်းဂန်မှာပါတဲ့ အချက်လည်း မဟုတ်ပါဘူးလို့ဆိုချင်ပါတယ် ပိဋကတ်တော်မှာလာတဲ့ ဇာတ်တော်တစ်ခုတော့ ရှိပါတယ်။ ဇာတ်တော်နာမည်က မတကဘတ္တဇာတ် ဖြစ်ပါတယ်။

ဒီဇာတ်တော်ကိုစာဖတ်ပရိတ်သတ်ကြီးလည်းသိပြီးဖြစ်ပါလိမ့်မယ်နာမည်နဲ့သာတွဲမသိတာဖြစ်နေပလိမ့်မယ် ဇာတ်တော်ထဲမှာတော့ဒိသာပါမောက္ခ ဆရာကြီးတစ်ဦးဟာ သေသူကို ရည်စူးပြီး ဆိတ်တစ်ကောင်းကို သတ်ဖို့ရေချိုးပေးချိန်မှာ အဲဒီဆိတ်ဟာ တစ်ပြိုင်တည်းမှာ ရယ်လည်းရယ်ပြီး ငိုလည်းငိုတယ်လို့ ဆိုပါတယ်။

ဒါနဲ့ ဆရာကြီးက ဘာကြောင့်ရယ်လည်းရယ်၊ ငိုလည်းငိုတာလဲလို့ မေးတော့ ဆိတ်က “ကျွန်ုပ်လည်း အတိတ်ဘတစ်ခုမှာ အခုဆရာကြီးလိုပဲ ဆိတ်တစ်ကောင်ကို လည်ဖြတ်သတ်ခဲ့မိလို့ အဲဒီအကုသိုလ်ဝဋ်ကျွေးဟာ ဒီဘဝအထိ ဘဝပေါင်း (၄၉၉)ဘဝတိုင်တိုင် လည်ဖြတ်အသတ်ခံခဲ့ရကြောင်း၊ ဒီလိုဝဋ်ကျွေးကို နောက်တစ်ဘပဲ ခံပြီးရင် ကုန်ဆုံးတော့မှာ ဖြစ်တာကိုတွေးပြီး ဝမ်းသာလို့ ရယ်ခြင်းဖြစ်ကြောင်းဖြစ်ပါတယ်၊

ငိုတာကတော့ အခုအကျွန်ုပ်ကို သတ်မယ့်ဆရာကြီးလည်း ကျွန်ုပ်လိုပဲ ဘဝပေါင်းငါးရာ အသတ်ခံရတော့မှာပါလားလို့ တွေးပြီး စိတ်မကောင်းဖြစ်မိတဲ့အတွက် ငိုခြင်းဖြစ်ကြောင်း” ပြောကြားလိုက်ပါတယ်။

ဒီတော့မှ ဆရာကြီးဟာ ကြောက်လန့်ပြီး ဆိတ်ကိုမသတ်တော့ဘဲ လွှတ်လိုက်ပါတယ်။ ဒါပေမယ့် အကုသိုလ်ဝဋ်ကျွေးရှိတဲ့ ဆိတ်ဟာတစ်နေရာမှာ မိုးကြိုးထိလွင့်လာတဲ့ ကျောက်ချက်ထိပြီး လည်ပင်းပြတ်ကာ သေသွားခဲ့ရပါတယ်။
ဝဋ်ကျွေးပါလာတော့ တစ်ဦးမသတ်လည်း တစ်ခုခုနဲ့ သေသွားရတဲ့ သဘောပဲ ဖြစ်ပါတယ်။

ဇာတ်တော်လာ အကြောင်းအရာကိုသေချာဆန်းစစ်ကြည့်ရင် ဆိတ်ဟာအတိတ်ဘဝ လူဖြစ်စဉ်က ဆိတ်တစ်ကောင်ကို သတ်ခဲ့မိတဲ့ ဝဋ်ကျွေးကြောင့် ဘဝပေါင်းငါးရာတိုင်အောင် အသတ်ခံပြီး သေခဲ့ရတဲ့အဖြစ်ကို တွေ့ရမှာဖြစ်ပါတယ်။

ကိုယ့်ကိုယ်ကို သတ်သေလို့ အဖန်ငါးရာ၊ ဘဝငါးရာ ခံရတာ မဟုတ်ဘဲ သူများကို သတ်မိတဲ့ အကုသိုလ် ဝဋ်ကျွေးကြောင့် ဘဝပေါင်းများစွာ အသတ်ခံရတဲ့ ဇာတ်တော်လာ အကြောင်းအရာပဲ ဖြစ်ပါတယ်။

ဒီဇာတ်တော်လာ အကြောင်းကို နားစွန်နားဖျား ကြားမိရာက ကိုယ့်ကိုယ်ကို သတ်သေရင် အဖန်ငါးရာ ငါးကမ္ဘာ ခံရတယ်ဆိုပြီး မြန်မာများ အမှတ်လွဲနေတာ ဖြစ်ကောင်းဖြစ်နိုင်ပါတယ်ဖြစ်လိမ့်မယ်လို့လည်းယုံကြည်မိပါတယ်။

သေချာတာကတော့ ကိုယ့်ကိုယ်ကို သတ်သေတဲ့အတွက် အဖန်ငါးရာ ငါးကမ္ဘာအထိ အဲဒီလို ထပ်တူသတ်သေရမယ်ဆိုတဲ့ အယူအဆဟာ လွဲနေတယ်ဆိုတာ အသေအချာပဲ ဖြစ်ပါတယ်။

ဒီလိုပြောတော့ ကိုယ့်ကိုယ်ကို သတ်သေတာ အဖန်းငါးရာ ငါးကမ္ဘာ ခံရတာမဟုတ်ဘူးဆိုပြီး စိတ်ညစ်ညစ်နဲ့ ကိုယ့်ကိုယ်သတ်သေတာလည်း မလုပ်မိကြဖို့ လိုပါတယ်။

လူအတော်များများကမဟုတ်တာဆိုသိပ်ပြီးအတုယူတတ်တာမဟုတ်တာလုပ်တဲ့သူဆိုသိပ်ပြီး
မှတ်မိနေတတ်ကြတာ ဒေဝဒတ်ကိုသိလားဆိုရင်သိတယ်ပဲတန်းပြောကြတာ ခေမာမိဖုရားကိုကောသိလား
ဥပ္ပလဝဏ်တို့ဘာတို့ကောသိလားဆိုရင် မေ့နေတတ်ကြတယ်။

သေချာစဉ်းစားရမှာကအဲဒီလိုစိတ်ညစ်လို့ကိုယ့်ကိုယ်ကိုသတ်သေတဲ့သူတစ်ယောက်ရဲ့ သေခါနီး စိတ်အစဉ်ဟာ ဘယ်လိုမှ ကောင်းတဲ့စိတ်အတွေး မဖြစ်နိုင်တဲ့အတွက် မကောင်းတဲ့စိတ်နဲ့ကိုယ့်ကိုယ်ကိုအဆုံးစီရင်လိုက်မယ်ဆိုရင် ကောင်းတဲ့ဘုံဘဝမှာ ရောက်ဖို့ဆိုတာ မလွယ်လှပါဘူး။

သေခါနီးမှာဖြစ်တဲ့စိတ်အစဉ်ဟာ နောက်ဘဝမှာအရင်အကျိုးပေးတာ ဖြစ်တဲ့အတွက် သေခါနီးစိတ်အစဉ်
ဟာလူတွေအတွက်သိပ်ကိုအရေးကြီးအထူးသတိပြုရမယ့်အချက်တချက်ဖြစ်ဗုဒ္ဓဘာသာဝင်တွေ
သိကြပြီးဖြစ်ပါတယ်။

ဒီတော့ကား သတ်သေမှုနဲ့ ပတ်သက်ပြီး ကိုယ့်ကိုယ်ကို သတ်သေတာနဲ့ သူတပါးကို သတ်လိုက်တာမှာ ကိုယ့်ကိုယ်ကို သတ်သေတဲ့အတွက် ဘဝငါးရာ အဖန်ငါးရာငါးက္မဘာခံရတယ်ဆိုတာမဟုတ်ပါဘူး ၊

သူတပါးကို ကိုယ်ကသတ်တာဆိုရင်တော့ သတ်တဲ့စိတ်စေတနာအတိုင်း ဒီအကုသိုလ်ဝဋ်ကျွေးကို ပြန်လည် ပေးဆပ်ရတတ်ပြီး အကုသိုလ်အပြစ် သိပ်ကြီးရင် ဘဝပေါင်း ငါးရာအထိတောင် ခံရတတ်ကြောင်း သတိပြုကြရမှာ ဖြစ်ပါတယ်။

ကိုယ့်ကိုယ်ကို သတ်သေမှုအပိုင်းမှာလည်း ခန္ဓာကိုယ်ရဲ့ အပြစ်ကိုမြင်ပြီး ခန္ဓာကိုယ်ကို ငြီးငွေ့လို့ သတ်လိုက်တဲ့ အပိုင်းမှာ အပြစ်မရှိပေမယ့် ဒေါသအလျောက် သတ်မိရင်တော့ အပြစ်တခုဖြစ်ဖြစ်ဖွယ်အတိ၇ှိပါတယ်။

အပြစ်ဖြစ်တတ်တယ်ဆိုတာခုနပြောသလို သေခါနီးစိတ်အစဉ်ဟာမကောင်းနိုင်တဲ့အတွက် သေပြီးနောက်
အပါယ်ဘုံဘဝတွေအထိ ရောက်စေနိုင်တာဖြစ်လို့အပြစ်ဖြစ်တတ်တယ်လို့ ဆိုလိုချင်တာပါ။

ဘုရားရှင်လက်ထက်က ဝဂ္ဂလိ အမည်ရှိတဲ့မြတ်ဘုရားကိုအလွန်ကြည်ညိုတဲ့ မထေရ်တစ်ပါးဟာ ခန္ဓာကိုယ်ကိုငြီးငွေ့ပြီး ခန္ဓာကိုယ်ရဲ့ အပြစ်ကိုမြင်တဲ့အတွက် ကိုယ့်လည်ပင်းကိုကိုယ် ဓားနဲ့ဖြတ်ပြီး သတ်ခဲ့တယ်လို့ ဆိုပါတယ်။

ဒါပေမယ့် အဲဒီမထေရ်ဟာ ဒီအခိုက်မှာ ဝေဒနာကို ရှုလိုက်တဲ့အတွက် ရဟန္တာဖြစ်သွားတယ်လို့ ခန္ဓဝဂ္ဂသံယုတ် ဖော်ပြထားတာဖတ်ဖူးပါတယ်။

ဒါကိုကြည့်ခြင်းအားဖြင့် ခန္ဓာကိုယ်ရဲ့ အပြစ်ကိုမြင်ပြီး ကိုယ့်ကိုယ်ကို သတ်သေတဲ့အပိုင်းမှာ ဒီလိုသတ်သေလိုက်တဲ့အတွက် အဖန်ငါးရာ ငါးကမ္ဘာ ခံစရာမရှိတော့ဘူးဆိုတာ သက်သေအဖြစ်ပြောချင်ပါတယ်။

မြန်မာဗုဒ္ဓဘာသာတွေအနေနဲ့သိရမှာကကိုယ့်ကိုကိုသတ်လို့အဖန်ငါးရာငါးကမ္ဘာခံရတာမဟုတ်ဘူး တပါးသူကိုသတ်လို့ခံရတာဖြစ်တယ်ဆိုတာသတိပြူမိဖို့လိုသလို ကိုယ့်ကိုကိုသတ်မိရင်လည်းမကောင်းတဲ့စိတ်သေခါနီးမှာမြင်တတ်တာမို့ရှောင်ကြဉ်ဖို့များစွာလိုပါတယ်။

ရှေးစွဲတွေကိုဖျောက်ပြီးမိမိကိုယ်တိုင်အသိဥာဏ်ရှိအောင်လုပ်ကာမိမိဘဝမိမိလှပအောင်ဖန်တီးနိုင်ဖို့များစွာ
လိုအပ်ပါတယ် ရှေးပညာရှိတွေအနေနဲ့လည်းပြောကြားတယ်ဆိုတာ မိမိကိုယ်ကိုကိုမိမိ မသတ်မိစေဖို့ ကြောက်အောင်လည်းပြောတာဖြစ်နိုင်ပါတယ် ဆင်ချင်ကြည့်ကြပါလေ။

စာရေးသူလက်လှမ်းမှီသလောက်ရေးသားလိုက်ပါတယ်။

                                  ဘေးရန်ကင်းကွာ ကျမ္မာကြပါစေ။

(ဓမ္မစမ်းရေ)