ငါတို့ကောမအိုတော့ဘူးလား?

တလောက မြန်မာပြည်မှာအဘိုးအို(၈၁)အရွယ်တယောက်ကိုလမ်းဘေးမှာလာပစ်ထားကြတယ်လို့
ဖတ်လိုက်ရတယ် သြော် တွေးကြည့်မိလိုက်တယ် သူတို့ကကောမအိုတော့ဘူးလားပေါ့။

မြန်မာပြည်ကတော်သေးတယ် ဘာသာရေးလေးခံထားလို့ အများစုကလည်းဗုဒ္ဓဘာသာတွေဖြစ်နေလို့ ဒါတောင်ခဏခဏသတင်းကြားရတယ် မိဘကိုဆဲတာ ပြန်အောင်တာတွေ။

စင်္ကာပူမှာဆိုလည်းအဘိုးအိုတွေအဘွားအိုတွေသူ့တို့ဘာသာစားပွဲထိုးလုပ်ပန်းကန်ဆေးအလုပ်လုပ်ကာ
မိမိသမုဒ္ဒရာဝမ်းတထွာအတွက်ရှာနေရတာများစွာတွေ့ရတယ်။

ကိုယ့်ရဲ့မိဘတွေအိုရင့်ကြီးသွားလို့စိတ်ပျက်ကာ ပြန်အော်တာ ပြန်ဆဲတာတို့မလုပ်မိစေနဲ့ ဒီအကြောင်းနဲ့ပါတ်သက်ပြီးသာဓကလေးတခုရှိခဲ့ဖူးတယ်။

ဗုဒ္ဓမြတ်စွာသက်တော်ထင်ရှားရှိစဉ်က အသီတိ မဟာသာဝက(တပည့်ကြီးရှစ် ကျိတ်)တွင်အပါအ၀င် ရှင်လကုဏ္ဍက ဘဒ္ဒိယ ဟု အမည်တွင်သော ရဟန္တာအရှင်သူ မြတ်တစ်ပါးရှိ၏၊ ထိုအရှင်၏ပုံသဏ္ဍာန်သည် အရပ်အားဖြင့်ပုကွ၏၊ ကိုယ်လုံးကိုယ် ထည်ကလည်းသေး၏၊မသိသူများက ကိုရင်လေးတစ်ပါးဟုထင်မှတ်၏၊

အချို့သော ရဟန်းသာမဏေများက ကစားစရာအရုပ်ကလေး ဟုသဘောထားကာ ထိပ်ပုတ်၊ ခေါင်း ပုတ်၊ နှာခေါင်းဆွဲ၊ နားရွက် ဆွဲသင်္ကန်းစဆွဲကာ စကြနောက်ကြ ပြောင်ကြလှောင်ကြ မထိလေးစားပြုမူကြ၏၊

အရှင်သူမြတ်က ရ ဟန္တာဖြစ်၍သီးခံနိုင်သောလည်း မြင်တွေ့ နေရသည့်မြင်ကွင်းက လောကအ
လယ်မတင့်တယ်သော မြင်ကွင်းဖြစ်၏၊ ရဟန္တာကြီး တစ်ပါး လူကြီးတစ်ယောက်ကို မထီလေးစား လုပ်နေသော အပြု့အမူအကျင့်စရိုက် သည် ကူးစက်ရောဂါတစ်ခုအနေဖြင့် လူအများထံသို့ကူးစက်သွား ပါ က လောကြီးတစ်ခု လုံး အရုပ်ဆိုးအကျဉ်းတန်နိုင်၏၊

ထိုအနာဂတ်အရေးကို ကြိုတွေးမိသိမြင်တော်မူသော ဘုရားရှင်သည် တစ်နေ့သောအခါ ရဟန်း သာ မဏေတို့အား အဆုံးအမသြ၀ါဒပေး တော်မူ၏။

ရဟန်းတို့ သင်တို့သည် လကုဏ္ဍကဘဒ္ဒိယထေရ်ကို မထီလေးစားမပြု့လုပ်ကြ နှင့်၊ ထို
မထေရ်သည် ငါဘုရား၏သာသနာတော်၌ ထင်ရှားသော ဓမ္မကထိကတစ်ပါးဖြစ် ၏၊ ရဟန်းတစ်ပါးလည်းဖြစ်၏၊

သူ၏အတိတ်ဘ၀ကပြု့ခဲ့သော အကုသိုလ်ကံကြောင့်ဤ
ဘ၀၌ အများတကာ၏ မထီလေးစားစော်ကားမှုကိုခံခြင်းဖြစ်၏၊ သင်တို့သည် အကု သိုလ်အမှုကို ပြုသူအသစ် အမွေဆက်ခံသူမဖြစ်ကြလေနှင့်။

ရဟန်းတို့ သင်တို့၏နောက်ပြောင်ကျီစယ်မှုကိုခံရသော လကုဏ္ဍကဘဒ္ဒိယမထေရ် သည် ရှေးရှေးကာလအတိတ်ဘ၀တစ်ခုက ဗာရာဏသီပြည်၌ နိုင်ငံအကြီးအကဲ နိုင် ငံ ခေါင်းဆောင်မင်းတစ်ပါးဖြစ်ခဲ့၏၊

ထိုမင်းသည်အိုခြင်းသဘောကိုမနှစ်သက်အိုသွားသည့် အရာမှန်သမျှကို မကြည့်ချင် မမြင်ချင်၊ ထို့ကြောင့် လကဏ္ဍကဘဒ္ဒိယလောင် လျာ ဖြစ်သော ထိုမင်းသည် ဆင်အို မြင်းအို ကျွဲနွားအိုစသော တိရစ္ဆာန်တို့ကိုတွေ့လျှင်အဝေး သို့ရောက်အောင်နှင်ထုတ်စေ၏၊

အဘိုးအိုကိုတွေ့လျှင်လည်း မြေပြင်တွင်ကျွမ်း
ထိုးစေ၏ အဖွားအိုတွေ့လျှင် တွန်းလှဲစေ၏။ လှည်အို ရထားအိုတွေ့လျှင် ဖျက်ဆီးစေ၏၊
အိုခြင်းကို မနှစ်သက်သောကြောင့် ထိုမင်းသည် အိုသောအရာဝတ္ထုများကို ကလေးက
စားစရာ အရုပ်သဖွယ် သတ်မှတ်၏၊ သူလုပ်ချင်သလိုလုပ်နေ၏၊ သူပြု့သမျှ နုကြရသော
အဖိုးအို အဖွားအိုများကိုကြည့်၍ အပျော်ကြီးပျော်နေတတ်၏။

ဣဿရာနုဝတ္တကော ဟိ လောကော - လောကသည် အစိုးရသူ သူတို့၏နောက်
လိုက်ဖြစ်၏၊ ဟူသော စကားနှင့်အညီ မင်း၏ နောက်လိုက် မင်းအကြိုက်ကိုသိနေသော
ဝန်ကြီး ၀န်ငယ် အမတ်ကြီး အမတ်ငယ် အသွယ်သွယ်တို့ကလည်း လက်ခုတ်လက်ဝါး
တီး၍ အားပေးကြ၏၊ အတုလိုက်ကာပြုမူကြကုန်၏၊

ထိုနိုင်ငံ၌နေထိုင်သူအများပြည်သူတို့သည်မင်း၏လုပ်ရပ်ကြည့်၍ယိုသူမရှက် မြင်သူရှက်ဖြစ်နေ
ရသောကြောင့် မိမိတို့၏မိအို ဖအိုတို့ကို အခြားတိုင်းတစ်ပါးတိုင်းပြည်သို့ ပို့ထားကြရကုန်၏၊

ထိုနိုင်ငံအတွင်း၌ လူကြီးမိဘ သက်ကြီးရွယ်အိုများ မရှိရတော့ကား ကြီးသူကိုရိုသေလေးစားခြင်း မိဘကို ပြုစုလုပ်ကျွေးခြင်း ဟူသောကိုယ်ကျင့်တရားတို့သည် ပျောက်ကွယ်ပျက်စီးလေ၏၊ ကြီး သူတို့ကို မထီလေးစားစော်ကားခြင်း မိဘတို့ကိုပစ်ပယ်ထားခြင်း ဟူသော အဓမ္မတရား သည်သာ ထွန်းကားလေ၏၊

ထိုအခါ`အဓမ္မော နိရယံ နေဘိ´ အဓမ္မသည် အပါယ်လေး
ဘုံသို့ ပို့ဆောင်၏၊ ဟူသည်နှင့်အညီ သေဆုံးသူအများစုသည် အပါယ်ဘုံသို့ရောက်ရ
ကား အပါယ်ဘုံ၌ သတ္တ၀ါတို့သည် ပြည့်နှက်နေ၏၊ နတ်ပြည်၌ကား နတ်သားနတ်သမီး
ဦးရေလျော့ပါး၍ ခမ်းခြောက်ခြောက်ဖြစ်လာ၏။

ထိုအချေအနေကို သတိပြုမိသော သိကြားမင်းသည် အဘယ့်ကြောင်နတ်ပြည်တွင်နတ်
သား နတ်သမီးဦးရေလျော့နည်းနေရသနည်း ဟု ဆင်ခြင်ကြည့်လိုက်ရာ လူ့ ပြည်ရှိ လ ကုဏ္ဍကဘဒ္ဒိယလောင်းလျာ မင်းဆိုးမင်းယုတ်မာကြောင့် ဟု့အကြောင်းအ ရင်းကိုသိရ
သိရသည့်အတွက် ထိုမင်းကိုဆုံးမရန် မိမိကိုယ်ကို လူအိုသဏ္ဍာန်ဖန်ဆင်း၍ လှည်းအို
နွားအိုတို့ကိုအသုံးပြုကာ လှည်းအိုပေါ်၌ ရက်တက်ရည်အိုးနှစ်လုံးတင်ပြီးလျှင် လူ့ပြည်
သို့ဆင်းခဲ့၏၊

လကုဏ္ဍကဘဒ္ဒိယလောင်းလျာ ဗာရာဏသီမင်းတစ်ပါးတည်းမြင် တွေ့စေ
ရန် အဓိဋ္ဌာန်၍ ထိုမင်း၏ရှေ့သို့ရောက်အောင် မောင်းနှင်၏၊ လူအိုနှင့်လှည်းအို နွားအို တို့ကိုအပြိုင်နက်တည်းတွေ့မြင်လိုက်ရသော ဗာရာဏသီမင်းသည် အလွန်ပင် စိတ်
ဆိုးမာန်ဆိုးဖြစ်ကာ မင်းမှုထမ်းယောက်ျားတို့အား ဖမ်းဆီးနှိပ့်စက်ဖို့စေခိုင်းပါသော်
လည်း မည်သူမျှမတွေ့မမြင်ကြ၊ သူတစ်ဦးတည်းသာတွေ့မြင်ရကား သဲကြီးမဲကြီးဖြင့် လိုက်လံဖမ်းဆီးဖို့ကြိုးစားလေ၏။

ထိုအခါ သိကြားအိုသည် လှည်းကိုရပ်တန့်ပြီး မင်း၏ဦးခေါင်းထက်၌ ရက်တက် ရည်
အိုးတစ်လုံးကိုမှောက်ချလေ၏၊ ထပ်မံလိုက်လာပြန်သောအခါ ဒုတိယရက်တက်ရည်
အိုးတစ်လုံးကို သွန်ချလိုက်ပြန်၏၊

ဗာရာဏသီမင်းသည် ဦးခေါင်းမှစ၍ တစ်ကိုယ်လုံး ရက်တက်ရည်တို့ဖြင့်ရွှဲရွှဲစိုသွား၏၊ ထို့ကြောင့်ကိုယ့်ကိုကိုယ်ရှက်လည်းရှက်သွား၏၊ တသက်လုံးလူအိုတို့အပေါ်တွင် အနိုင်ယူခဲ့ပါလျှက်ဤအဘိုးအိုနှင်ကျမှငါအရှုံးပေးရလေ၏၊ဟု တွေးကာကြောက်စိတ်လည်းဝင်လာ၏၊

ထိုအခါအဘိုးအိုဟန်ဆောင်ထားသောသိကြားမင်းသည်မှတ်သားလောက်အောင်ဆုံးမပြီးမှ ကိုယ်ထင်ပြကာ ၀ရဇိန် လက်နှက်ဖြင့်ချိန်ရွယ်လျှက် ဟယ် တရားမစောင့်သော မင်းယုတ် သင်ရောတစ်နေ့မအိုရပြီလော၊ သင် သည်အဖိုးအိုတို့ကို ကစားစရာအရုပ်သဖွယ် နှိပ်စက်ကြည်စားသဖြင့် သက်ကြီးရွယ်အိုတို့ကို ရိုသေလေးစားခြင်းဟူသော ကောင်းသောအလေ့အထသည် လူ့ပြည်၌ပျောက် ကွယ်ရလေပြီ၊ သင့်ကိုအကြောင်းပြု၍ လူအပေါင်းသည် အပါယ်ဘုံသို့ရောက်ကြရ
လေ ပြီ၊

သင့်၏အကျင့်ဆိုးကိုဖျောက်လော့၊ အကယ်၍မဖျောက်လျှင် ၀ရဇိန်လက်
နက်ဖြင့် အသင်၏ ဦးခေါင်းကိုခွဲပစ်အံ့၊ ဟုခြိမ်းခြောက်၍ ဆုံးမစကားပြောကြားကာ
တာဝတိံသာ နတ်ပြည်သို့ပြန်သွား၏၊ လကုဏ္ဍလဘဒ္ဒိယ လောင်းလျာ ဗာရာဏ
သီမင်းလည်း ထိုအခါ မှစ၍ မိမိ၏အကျင့်ဆိုးကို ပယ်ဖျောက်လေ၏။

ရဟန်းတို့လောက၌ ကာယဗလ အားအင်ဆုတ်ယုတ်သော်လည်း ပညာရှိလျှင် ကြီး
သည်မည်၏၊ ကာယဗလကြီးမားတောင့်တင်းသော်လည်း ပညာမဲ့လျှင် ကြီးသည် မ
မည် ဟုဆုံးမသြ၀ါဒ စကားမိန့်ကြားတော်မူ၏။

ထို့ကြောင့် ယနေ့ခေတ်လူငယ်များသည် အမိအဘ သက်ကြီးရွယ်အိုတို့ကို သုံးမ ရ
တော့ပါဘူးဆိုပြီး မပစ်ပယ်မိကြဖို့ ဒီဇာတ်တော်ကသတိပေးထားတာပါပဲ ပစ်ပယ်မိကြပြီဆိုရင် ပြန်စဉ်းစားကြည့်ပါ ငါတို့ကောမအိုတော့ဘူးလားလို့…..

(ဓမ္မစမ်းရေ)