မိသားစုပင်ဖြစ်ပေမဲ့

လူတွေမှာမိဘတွေကဗုဒ္ဓဘာသာဖြစ်လို့သားသမီးတွေကဗုဒ္ဓဘာသာဖြစ်ခဲ့တယ်ဆိုရင်မိဘတွေရဲ့ဘာသာ
တရားအပေါ်ယုံကြည်မှုနဲ့သားသမီးတွေရဲ့ဘာသာတရားအပေါ်ယုံကြည်မှုတို့ကမတူညီနိုင်ပါဘူး မိဘကသာရင်လဲသာနိုင်သလို သားသမီးကလဲသာနိုင်တာပဲ။

ဘာသာတရားတခုရဲ့ညွှန်ကြားမှုကိုတကယ်ယုံကြည်သက်ဝင်ကြတဲ့သူတွေကတော့ဘယ်လောက်ပဲ
ဆင်းရဲနေပါစေဘယ်လောက်ပဲချမ်းသာနေပါစေဘယ်သူကမှလာပြီးဖြားယောင်းသွေးဆောင်လို့မရနိုင်ပါဘူး။

ခုတော့ဆင်းရဲတဲ့သူတွေကလည်းစည်းစိမ်ဥစ္စာနောက်လိုက်ကာမဂုဏ်အာရုံများသူတွေကလည်း
ကာမဂုဏ်အာရုံတွေနောက်လိုက်တော့မိမိတို့ဘာသာတရားအပေါ်သက်ဝင်ယုံကြည်မှုရှိမရှိဆိုတာ
မိမိတို့ကိုယ်တိုင်သိနိုင်ပါတယ်။

မိမိတို့မြန်မာပြည်ဘာသာခြားဖြားယောင်းလို့ပါသွားတဲ့အမျိုးသမီးတွေအမျိုးသားတွေများစွာရှိပါတယ်၊
စည်းစိမ်ဥစ္စာနောက်လိုက်တဲ့သူရှိသလိုကာမဂုဏ်နောက်လိုက်တဲ့သူတွေလဲပါပြန်ပါတယ်၊
ဒါဟာဘာကြောင့်လဲ လေတိုက်တိုင်းယိုင်းယိုင်တတ်တဲ့ကျူပင်နဲ့တူတဲ့မိမိရဲ့ယုံကြည်မှုမရှိတဲ့စိတ်ကြောင့်ပါပဲ။

ယုံကြည်မှုရှိတဲ့သူတွေကတော့ဘာတွေနဲ့ဖြားယောင်းစေကာမူမယိုင်းမယိုင်ကျောက်တိုင်ပမာပါပဲထာဝရ
တည်မြဲတယ်၊ဘယ်လိုဖြားယောင်းစေကာမူတည်ကြည်ရင့်ကျက်တဲ့မိမိရဲ့သဒ္ဓါတရားအားကောင်းခြင်းကြောင့်
ဆိုတာထင်ရှားပါတယ်။

မိဘညီအစ်ကိုမောင်နှမဘာသာတရားလုပ်လို့ကိုယ်ကလိုက်လုပ်တယ်ဆိုရင်သူများယောင်လို့ကိုယ်
ကယောင်နေသလိုဖြစ်တတ်တယ်၊တချို့ကဆိုရင်တခြားအိမ်မှာအလှူလေးလုပ်တယ်တို့လဲလုပ်အုံးမှ
တခြားသူကတရားပွဲသွားတယ်တို့လဲသွားအုံးမှမိမိစိတ်ပါလို့မဟုတ်ဘူးတခြားသူမြင်ကောင်းယုံမျှသာ
လုပ်လိုက်တာဖြစ်တယ်။

ထို့သည့်သူများကတော့တကယ်ယုံကြည်မှုမရှိလို့ပဲထိုသူများကိုသွေးဆောင်ဖြားယောင်းသော်
ခဏလေးအတွင်းရနိုင်ပါတယ်၊ဒီအကြောင်းနဲ့ပါတ်သက်ပြီး မြတ်ဘုရားကခုလိုလေးသာဓကလေးနဲ့ပြ
ကာဟောကြားခဲ့ပါတယ်၊တခါတုန်းက သေတဗျမြို့မှာ မဟာကာဠ မဇ္ဈိမကာဠ စူလကာဠဆိုတဲ့ ညီအကိုသုံးယောက်ရှိပါတယ်။

အကိုကြီးနဲ့ ညီအငယ်ဆုံးဟာ ကုန်သည်အလုပ်ကို လုပ်ကိုင်ကြပြီး ညီလတ်ကတော့ ညီအကိုတွေ နယ်တကာလှည့်ပြီး ၀ယ်ယူလာတဲ့ ပစ္စည်းတွေကို အိမ်မှာ ဒိုင်ခံရောင်းဝယ်ဖောက်ကားတဲ့ အလုပ်ကို လုပ်ရသတဲ့။ ညီအကိုတွေ စီးပွားရှာရာမှာ တက်ညီလက်ညီ ရှိကြတဲ့သဘောပါ။

တနေ့မှာ အကိုကြီးနှင့် ညီငယ်ဟာ အရောင်းအ၀ယ်ကိစ္စနဲ့ ဘုရားရှင်သီတင်းသုံးရာ သာဝတ္ထိပြည်ကို ရောက်ခဲ့ပါတယ်။ အကိုကြီး မဟာကာဠဟာ သာဝတ္ထိကို ရောက်နေတုန်း ဘုရားရှင်ရဲ့တရားကို နာယူမိပြီး မမြဲတဲ့ သဘောတရားကို ဆင်ခြင်မိသွားသတဲ့။

သူရှာဖွေစုဆောင်းနေသမျှဟာ သေရင်သူ့နောက်ကို ဘာမျှမပါဘူးဆိုတာကို ကောင်းကောင်းသိသွားတဲ့အတွက် ဘုရားရှင်ထံမှာ ရဟန်းဝတ်ခွင့်တောင်းပြီး ရဟန်းပြုသွားခဲ့ပါတော့တယ်။ ညီငယ်လေးဟာ ခရီးသွားရင်း၊ စီးပွားရှာရင်းတန်းလန်းမို့ အကိုကြီးကို ရဟန်းမ၀တ်ဖို့ တားဆီးခဲ့ပေမယ့် ဘယ်လိုမှ တားဆီးလို့မရတဲ့အတွက် အကိုကြီးသွားရာလမ်းကို ငါလည်းလိုက်မဟဲ့ဆိုပြီး သူပါ ရဟန်းလိုက်ဝတ်ခဲ့ပါတော့တယ်။

အကိုကြီးနှင့်ညီငယ်ရဟန်းဝတ်သွားတဲ့သတင်းကသူတို့မြို့သူတို့မိသားစုကို ပေါက်ကြားရောက်ရှိသွားတဲ့
အခါမှာတော့ သူတို့ရဲ့ ဇနီးသည်တွေဟာ ၀မ်းနည်းပက်လက် ဖြစ်ကုန်ကြတော့တာပေါ့။

အကိုကြီး မဟာကာဠဟာ ပင်ကိုယ်စိတ် အားသန်ပြီး ရဟန်းပြုခဲ့တဲ့သူ ဖြစ်တဲ့အတွက် ရဟန်းဘ၀ရောက်တဲ့အချိန်မှာ တရားကို ကြိုးကြိုးစားစား အားထုတ်လိုက်တာဟာ မကြာခင်ကာလမှာပဲ ရဟန္တာအဖြစ်ကို ရောက်ရှိသွားခဲ့ပါတော့တယ်။

ညီငယ်လုပ်တဲ့ စူလကာဠကတော့ နဂိုကတည်းက အကိုကြီးဝတ်လို့ လိုက်ဝတ်ခဲ့သူဆိုတော့ စိတ်ကမပါ။ များမြောင်တဲ့ရဟန်းသိက္ခာပုဒ်တွေကို စိတ်ပျက်ပြီး လူထွက်ဖို့အခွင့်အလမ်းကိုသာ ချောင်းနေပါတော့သတဲ့။

တနေ့မှာတော့ ဘုရားရှင်ဟာ နောက်ပါရဟန်းများနှင့်အတူ ဒေသစာရီကြွဖို့ အကြောင်းဖြစ်လာခဲ့ပါတယ်။ဘုရားရှင်ရဲ့ ဒေသစာရီခရီးမှာ နောက်ဆုံးကြွရောက်မယ့် မြို့ဟာ ညီအကိုရဟန်းတို့ရဲ့ ဇာတိချက်ကြွေ သေတဗျမြို့ပဲ ဖြစ်ပါတော့တယ်။

မဟာကာဠရဟန်းနဲ့ စူလကာဠရဟန်းတို့ ပါလာတယ်လို့လည်း ကြားရော ဇနီးဟောင်းတွေက ၀မ်းသာအားရ ဖြစ်ကုန်ကြတော့တာပေါ့။ သူတို့က နဂိုကတည်းကမှ ရဟန်းဝတ်တာ သဘောမတူခဲ့ကြသူတွေဆိုတော့ ခင်ပွန်းဟောင်းတွေကို လူဝတ်ပြန်လဲအောင် လုပ်ရမယ်ဆိုပြီး စိတ်ကူးယဉ်ကြတော့တာပါပဲ။

သူတို့စိတ်ကူးတဲ့အတိုင်း ဖြစ်အောင် အစီအစဉ်ကျကျနဲ့ပဲ ဘုရားရှင်နဲ့သံဃာတော်တွေကို ဆွမ်းစားပင့်ဖိတ်ခဲ့ပါတော့သတဲ့။ ဖြစ်ချင်တော့ ဘုရားရှင်နဲ့ ရဟန်းသံဃာတော်တွေအတွက် နေရာထိုင်ခင်း အစီအစဉ် အဆင်ပြေမပြေ ကြိုတင်ကြည့်ရှု နေရာချလုပ်ဆောင်ရတဲ့တာဝန်ကို မြို့ခံဖြစ်တဲ့ စူလကာဠရဟန်းက တာဝန်ကျခဲ့တာနဲ့ ကွက်တိသွားတိုးတော့ပါပဲ။

ဇနီးဟောင်းက ခင်ပွန်းဟောင်းကို လူဝတ်မလဲချင် လဲချင်အောင် မူယာမာယာတွေ ပိုပိုသာသာလုပ်ပြတဲ့အခါမှာတော့ နဂိုကတည်းကမှ စိတ်ကမခိုင်တဲ့ စူလကာဠရဟန်းဟာ ခါးမတို့ခင်က ယားပါတယ်-ဆိုတဲ့ စကားပုံလိုပဲ တခါတည်း လူဝတ်လဲခဲ့တော့တာပေါ့။

စူလကာဠဟာ လူဝတ်လဲပြီးတဲ့အချိန်မှာလည်း မျက်နှာမပူ၊ မရှက်ဘဲ ပျော်ပျော်ရွှင်ရွှင်နဲ့ သံဃာတော်တွေကို ဆွမ်းစားပင့်ဖို့ ကျောင်းကိုရောက်လာခဲ့ပါသတဲ့။ ဘုရားရှင်နဲ့ ရဟန်းသံဃာတော်တွေဟာ ထုံးစံအတိုင်း ပင့်ဖိတ်တဲ့ ဒကာရဲ့အိမ်ကို ဣနြေ္ဒသိက္ခာပြည့်စုံစွာနဲ့ ကြွရောက်ခဲ့ပါတယ်။
ေ
နာက်ပါရဟန်းတချို့ထဲက ရဟန်းငယ်တွေကတော့ လူဝတ်လဲသွားတဲ့ စူလကာဠကို အပြစ်တင်ပြောဆိုချင်ကြတာပေါ့။ ဘုရားရှင်ကတော့ ဆွမ်းဘုဉ်းပေး၊ အနုမောဒနာတရားကိုဟောပြီး ပြန်ကြွသွားခဲ့ပါတယ်။
ေ
နာက်နေ့မှာတော့ မဟာကာဠရဟန်းရဲ့ ဇနီးဟောင်းက ဆွမ်းစားပင့်ဖိတ်ခဲ့ပြန်ပါတယ်။ ဒီတခါမှာတော့ နေရာထိုင်ခင်း အစီအစဉ် ကြိုတင်သွားရောက်ကြည့်ရတဲ့ကိစ္စကို မဟာကာဠရဟန်း တာဝန်မကျတဲ့အတွက် မဟာကာဠရဟန်းရဲ့ ဇနီးဟောင်းဟာ သူကြိုတင်စိတ်ကူးထားသလိုတော့ ဆွဲဆောင်ဖို့ အခွင့်အရေး မရတော့ဘူးပေါ့။

ဒါပေမယ့် သူက လက်မလျှော့ဘဲ ဘုရားရှင်နဲ့ရဟန်းတွေ ဆွမ်းစားကြွရောက်ပြီး ဆွမ်းဘုဉ်းပေးပြီးသွားတဲ့အခါမှာတော့-ဇနီးဟောင်းကမြတ်ဘုရားကိုအရှင်ဘုရား၊ အရှင်မဟာကာဠဟာ တပည့်တော်တို့ကို တရားဟောဖို့အတွက် နေရစ်ခဲ့မှာဖြစ်ပါတယ်။ အရှင်ဘုရားတို့ အရင်ပြန်ကြွနှင့်ပါဘုရား။

ဗုဒ္ဓဘုရားရှင်ဟာ ဒကာမပြောတဲ့အတိုင်းပဲ မဟာကာဠကိုချန်ခဲ့ပြီး ပြန်ကြွသွားခဲ့ပါတယ်။
ဒီကိစ္စအတွက်ရဟန်းငယ်တွေအချင်းချင်းတီးတိုးတီးတိုး ပြောကြပြန်တော့တာပေါ့။ရဟန်းများကမြတ်ဘုရား
ကိုလျှောက်တယ် အရှင်ဘုရားအရှင်မဟာကာဠကတော့ ကျန်ခဲ့ပြီ။

ဘာတွေဖြစ်ဦးမလဲ မသိဘူး။ဒီတခါ အရှင်မဟာကာဠပါ လူထွက်သွားမယ်ဆိုရင် ရဟန်းကောင်းတပါး ဆုံးရှုံးတော့မှာပဲဘုရား။ဘုရားရှင်ကရဟန်းတို့ သင်တို့စိတ်ထဲမှာ မဟာကာဠကို စူလကာဠလိုပဲ ဖြစ်မယ် ထင်နေကြသလား။

ဟုတ်ပါတယ်အရှင်ဘုရား၊ ဒီအရှင်ရဲ့ ဇနီးဟောင်းကလည်း အကြံကြီးပါတယ်ဘုရား။ ဒီအရှင်ကို လူဝတ်လဲချင်အောင် ပြုမူတော့မှာ သေချာပါတယ်ဘုရား။

ရဟန်းတို့ သင်တို့ ဒီလိုမထင်ကြလေနဲ့။ ညီအကိုချင်းပင် ဖြစ်လင့်ကစား တရားဓမ္မကို အမှန်တကယ် ယုံကြည်နားလည်သူနဲ့ နားလည်ချင်ယောင် ဆောင်သူဟာ လွန်စွာကွာခြားပါတယ်။

စူလကာဠဟာ ကမ်းနားသစ်ပင်လိုပဲ။ ကာမဂုဏ်အာရုံတွေနဲ့ ဆွဲဆောင်လိုက်ရုံနဲ့ အလွယ်တကူ ယိမ်းယိုင်ပြိုလဲသွားတယ်။ မဟာကာဠကတော့ ကျောက်တောင်ကြီးနဲ့ ပမာတူပါပေတယ်။ ကာမဂုဏ်အာရုံနှင့် ဘယ်လောက်ပဲ ဆွဲဆောင် ဆွဲဆောင် ဘယ်လိုမှ ပြိုယိုင်လဲစရာအကြောင်း မရှိပေဘူး။

ဘုရားရှင်အမိန့်ရှိတဲ့အတိုင်းပါပဲ၊ တပါးတည်း ကျန်ရစ်ခဲ့တဲ့ မဟာကာဠဟာ ဇနီးဟောင်းရဲ့ ဆွဲဆောင်မှုမျိုးစုံကို စိတ်ဓာတ်သမာဓိ ကြံ့ခိုင်စွာနဲ့ ရှောင်ဖယ်နိုင်ခဲ့ပါတယ်။ ဇနီးဟောင်းဒကာမက ဆွဲဆောင်မှုတွေ ပိုလာချိန်မှာတော့ အရှင်မဟာကာဠဟာ သူ့ရဲ့ဈာန်အဘိညာဉ်တန်ခိုးနဲ့ ကောင်းကင်ကို ပျံတက်ပြီး ကျောင်းတော်ကို ပြန်လည်ကြွရောက်လာခဲ့ပါတော့တယ်။

ဒီဇာတ်တော်ကညီအကိုဆိုပေမယ့် တရားဓမ္မကို အမှန်တကယ် ယုံကြည်သက်ဝင် ကိုးကွယ်ဆည်းကပ်သူနဲ့ အပေါ်ယံ သူများယောင်လို့ လိုက်ယောင်တဲ့သူ နှစ်ဦးရဲ့ လုပ်ရပ် အဆိုးအကောင်းကွာခြားမှုကို သဘောပေါက်နိုင်ကြပါတယ်။

သူများလုပ်လို့လိုက်လုပ်လိုက်ပေမဲ့မိမိရဲ့ယုံကြည်မှုကတပါးသူလိုအားမကောင်းခဲ့တော့မိမိပဲအများကဲ့ရဲ့ခံ
အများရှုတ်ချတာကိုခံခဲ့ရကာမိမိဘဝတိုးတက်မှုတွေကြီးပွားမှုတွေအကုန်ရော့ကျခဲ့တာပဲ။ဒါကြောင့်ဘာပဲ
လုပ်လုပ် ယုံကြည်မှုရှိမှလုပ်ပါ မယုံကြည်ရင်မလုပ်ပါနဲ့။

သဗ္ဗေသတ္တာ သတ္တဝါအပေါင်း ဘေးရန်ကင်းကြပါစေ။

(ဓမ္မစမ်းရေ)