မောင်တော်အမြန်လာပါ အပိုင်း (၂)

သာကီဝင်မင်းသမီး ဇနပဒကလျာဏီသည် နန္ဒမင်းသား ရဟန်းဝတ်သွားပြီးနောက် ပူဆွေးနေခဲ့ရတယ်၊ပူဆွေးမယ်ဆိုလည်းပူဆွေးစရာပူပူနွေးနွေးလက်ထပ်တဲ့ရက်မှာဘုရားရှင်က
ဘာမှမပြောဘဲညီတော်မောင်ကိုကျောင်းတော်ကိုခေါ်သွား၊ကျောင်းရောက်တော့ရဟန်းဝတ်ပေး၊နောက်ဆုံး
အကျွတ်တရားရကာ ရဟန္တာပါဖြစ်သွားတော့မင်းသမီးလေးတငိုငိုနဲ့ပူဆွေးနေရှာတော့တာပဲ။
  
အပူမီးတွေငြိမ်းဖို့ရန်မြတ်ဘုရားနည်းလမ်းရှာခဲ့ရတယ်၊ဇနပဒကလျာဏီဟာအလှခုံမင်သူတယောက်ဖြစ်
တာသိထားတော့ဒီအလှတရားနဲ့ပဲအကျွတ်တရားရအောင်ဟောကြားမှရမည်ဆိုတာသတိထားမိတယ်။

သူ့ရဲ့အလှကလဲအလွန်တင့်တယ်လှပပြီး မြင်သူငေးလောက်တာကိုး၊မိမိ၏ ရုပ်အဆင်းကို အလွန်သာယာနှစ်သက်ကာအလှမာန်၏လှပသောဂုဏ်ကိုအကြောင်းပြုပြီးရူပနန္ဒာဟူ၍ခေါ်ဝေါ်နေသော
အသံတွေကိုကြားယောင်ရင်းနေမိတာနှစ်တွေတောင်အတော်ကြာကြာတဏှာရဲ့အလိုလိုက်ခဲ့မိတယ်။

တနေ့တော့တွေးမိတယ်၊ငါဟာချစ်သူမောင်တော်ရဟန်းဝတ်သွားပြီးနောက်ပိုင်းစိတ်စေရာ
အတိုင်းနေထိုင်လာခဲ့တာအတော်တောင်ကြာခဲ့ပြီ၊ငါရဲ့ဆွေတော်မျိုးတော်တွေဖြစ်တဲ့အစ်ကိုတော် သိဒ္ဓတ္ထမင်းသားလည်း ဘုရားအဖြစ် တူတောမောင် ရာဟုလာ၊ ချစ်သူမောင်တော် နန္ဒမင်းသား၊ မယ်တော် ပဇာပတိဂေါတမီတို့သည် အားလုံး ရဟန်းပြုကြကုန်ပြီ။

ငါလည်းဆွေးနေ ပူနေလို့မဖြစ်တော့ဘူး၊ငါလည်း ရဟန်းပြုမှ ကောင်းမည်-ဟု ကြံစည်ပြီး ရဟန်းဘောင် ၀င်ခဲ့၏၊  သာသနာတော်ကို ကြည်ညိုလို့တော့မဟုတ် ဆွေမျိုးများ သံယောဇဉ်ကြောင့် ဘိက္ခူနီဘ၀ ရောက်လာခဲ့တာ။

သာသနာဘောင်ထဲဝင်လာခဲ့ပေမဲ့မင်းသမီးကမြတ်ဘုရားကိုတော့အတတ်နိုင်ဆုံးရှောင်ကာနေနေမိတယ်၊
ဘာဖြစ်လို့လဲဆိုရင်မြတ်ဘုရားကခန္ဓာကိုယ်ဟာအပုတ်ကောင်ချည်းဘာမှနှစ်သက်စရာမရှိဘူးလို့ဟောဟော
နေလို့ပဲ၊မြတ်ဘုရားကလဲသတ္တဝါတဦးတယောက်ကောင်းမွန်စွာဘဝဖြတ်သန်းဖို့အတွက်ဟောကြားပေးမှာပဲ၊ 

ဥပမာပြောရရင်မိဘတွေကသားသမီးကောင်းစားဖို့အတွက်နားထောင်သည်ဖြစ်စေနားမထောင်တာ
သည်ဖြစ်စေတန်ဖိုးရှိသောဆုံးမစကားကိုပြောကြားနေရသလို၊ဆရာကလဲတပည့်ကနားထောင်သည်ဖြစ်စေ နားမထောင်သည်ဖြစ်စေဆုံးမစကားပြောကြားမှာပဲ၊နားထောင်တာနားမထောင်တာတပည့်အလုပ်လေ
ခုလည်းဘုရားရှင်ကတော့နှစ်သက်ဖွယ်မရှိတဲ့ခန္ဓာကိုယ်ကို မနှစ်သက်အောင် ဟောကြားမှာပဲ။ 

သို့ပေမဲ့ဇနပဒကလျာဏီကတော့ရှောင်နေပေမဲ့ပါရမီဓာတ်ခံအားကြီးသူပီပီကြားရှည်မခံပါဘူး။
အပူမီးတွေငြိမ်းအောင်ဟောတတ်သောမြတ်ဘုရားထံဒူးထောက်ဖို့အချိန်တန်ခဲ့လေပြီ၊
ဘုရားရှင်၏ဂုဏ်တော် ကျေးဇူးတော်တို့ကို ကြားရဖန်များသောအခါ တနေ့တွင် တရားသဘင်သို့ ပုန်းလျှိုး ကွယ်လျှိုး လာရောက်၍ တရားနာ၏၊ ဤအကြောင်းကို သိတော်မူသော ရှင်တော်ဘုရားသည် ခြေတော်ရင်းတွင် လူမက နတ်တမျှ လှသော အမျိုးသမီးငယ်တဦးကို ဖန်ဆင်း၍ ယပ်လေခတ်ပေးနေစေ၏၊

ထိုဖန်ဆင်းသူ အမျိုးသမီးငယ်ကို အခြားသူများ မမြင်ရ၊ ဇနပဒကလျာဏီ အရှင်မသာ မြင်ရ၏၊ အရှင်မသည် နုပျိုချောမောလှပသော အမျိုးသမီးငယ်ကို တအံ့တသြ ငေးစိုက်ကြည့်နေမိသည်။

 မိမိ၏ အလှအပသည် ထိုသူငယ်မနှင့် နှိုင်းစာလျှင် ရွှေဟင်္သာနှင့် ကျီးမည်းကဲ့သို့ ဖြစ်နေသည်ကို သတိပြုမိ၏၊ သူငယ်မ၏ တကိုယ်လုံးကို တခုစီကြည့်ပြီး အားမရနိုင်အောင် ငေးမောကြည့်ရှုနေစဉ်ပင် သူငယ်မသည် တဖြည်းဖြည်း အိုမင်းရင့်ရော်လာသည်ကို တွေ့မြင်ရလေသည်။

 နုပျိုပြေပြစ်သော ၁၆-နှစ်ရွယ် အမျိုးသမီးငယ်သည် တဖြည်းဖြည်း အသက် ၂၀-ရွယ်၊ ၂၅-နှစ်ရွယ်၊ ၃၀-ရွယ်၊ ၄၀-၅၀-ရွယ် ဖြစ်လာကာ အရေတွန့် ခါးကိုင်းပြီး အမယ်အိုဖြစ်လာသည်၊ ထို့နောက် ကိုင်နေသော ယပ်ကိုပစ်ချကာ သူနာဘ၀ရောက်သွားပြီး သေဆုံးသွားသည်ကို ထိတ်လန့်ဖွယ် တွေ့မြင်ရသည်။

စကားညှပ်ပါရစေအုံး ခုခောတ်လူငယ်တွေဘဝတခုကိုသာယာနေကြတယ် အလှကြောင့်မာန်တွေတက်နေကြတယ် ပစ္စည်းကြောင့်မာန်တက်နေကြတယ် ပညာကြောင့်မာန်တက်နေကြတယ်၊ ရာထူးကြောင့်မာန်တက်နေကြတယ် တကယ်တော့ဘာမှမဟုတ်ဘူးဆိုတာမသိကြပေဘူးလား။

တဖန် အလောင်းကောင်သည် တဖြည်းဖြည်း ပုပ်ပွဖူးရောင်ပြီး သွေးပြည်များ ယိုစီးကာ လောက်များ တဖွားဖွား တက်လာသည်ကို မြင်ရပြန်လေသည်၊ အရှင်မ ဇနပဒကလျာဏီ-ရူပနန္ဒာသည် ထိတ်လန့်တုန်လှုပ်ပြီး သံဝေဂတရားများ ဖြစ်ပေါ်လာသည်၊

ဤအချိန်တွင် မြတ်စွာဘုရားသည် ဖန်ဆင်းရုပ်ကို ကွယ်ပျောက်စေကာ မိမိရဲခန္ဓာကိုယ်ဟာ ဘာမှမဟုတ် အရိုးစုမျှသာဖြစ်တော်မူတာကိုဟောတော်မူလေသည်၊ တရားတော်အဆုံးတွင် အရှင်မသည် အကျွတ်တရားရလျက် ရဟန္တာထေရီမအဖြစ်သို့ရောက်ရှိခဲ့ရတယ်။

ဟောကြားခဲ့တဲ့ဂါထာလေးကတော့
အဋ္ဌီနံ နဂရံ ကတံ ၊မံသလောဟိတလေပနံ ။
ယတ္ထ ဇရာ စ မစ္စု စ ၊မာနော မက္ခော စ သြဟိတော ။

အဓိပ္ပါယ်လေးပါတင်လိုက်ရင် ပိုပြီးကျေနပ်လောက်မယ်ထင်လို့တင်ပြလိုက်ပါရစေ၊အရိုးတို့ကို စိုက်ထူ၍ အသားအသွေးတို့ဖြင့် လိမ်းကျံလျက် အတ္တဘောတည်းဟူသော မြို့ကို တဏှာလက်သမားသည် ဆောက်လုပ်အပ်၏၊ဆောက်လုပ်နေတဲ့မြို့၌ အိုခြင်း, သေခြင်း, မာန, ထောင်လွှားခြင်း, သူ့ကျေးဇူးကို ချေဖျက်ခြင်းသည်သာ တည်ရှိလေ၏။

ဇနပဒကလျာဏီရဲ့မောင်တော်လွမ်းတဲ့အပူမီး၊မိမိအလှကြောင့်တက်နေတဲ့မာန်မာန၊
မိမိအလှတရားကြောင့်မြတ်ဘုရားကိုရှောင်ခြင်တဲ့အကျင့်အားလုံးပျောက်ကွယ်ကုန်တယ်၊
မိဘဆွေမျိုးကြောင့်သော်လည်းကောင်းလွမ်းနာကျပြီးပူဆွေးသောကြောင့်သော်လည်းကောင်း
သာသနာထဲဝင်လာပေမဲ့အသိတရားရလာချိန်မှာတန်ဖိုးရှိစွာအသုံးချတတ်လို့အားလုံးငြိမ်းချမ်းတန်ဖိုးရှိလှတဲ့
ဘဝတခုကိုဖြတ်သန်းခွင့်ရရှိခဲ့တယ်။

ဘဝကိုတန်ဖိုးရှိစွာမြင်တတ်ကြည့်တတ်လာတော့မောင်တော်အမြန်လာပါဆိုတဲ့အတွေးမောင်တော်ကို
လွမ်းနေတဲ့ပူဆွေးမှု မိမိအလှကိုမာန်တက်မှုတွေအားလုံးထားရစ်နိုင်ခဲ့လေပြီ။

တကယ်တော့ လောကမှာရရှိလာတဲ့အခွင့်ရေးတခုကိုမိမိဘဝတိုးတက်အောင်အသုံးချနိုင် ဆရာသမားကောင်းတွေနဲ့တွေ့လိုက်ရင် တွေ့သည့်အတိုင်း မိမိကိုယ်တိုင်ကလိုက်နာရင်မိမိဘဝလှပမှာတော့အသေချာပါပဲ၊ မိမိဘဝလှပဖို့မိမိအသိဥာဏ်ကိုတန်ဖိုးရှိတဲ့နေရာတွေမှာအသုံးချကြဖို့တိုက်တွန်းလိုက်ပါစေ။ 

(ဓမ္မစမ်းရေ)

 ( ဇရာဝဂ်၊ ဇနပဒကလျာဏီ-ရူပနန္ဒာဝတ္ထု )