ဘုရားရှင်ရာဇဂြိုဟ်ပြည်၊ ဝေဠုဝန်ကျောင်းတော်မှာ သီတင်းသုံးနေစဉ်ကာလ၊
နောက်ပါ ရဟန္တာအများခြံရံလျှက် ကပိလ၀တ္ထုဘက်ကို လှည့်လည်ကြွတော်မူလေ၏။
ဆွေတော်မျိုးတော်များကို တရားရေအေးတိုက်ကျွေးပြီး၊ ဝေဿန္တရာ ဇာတ်တော်ကို
ဟောကြားခြင်းဖြင့် ဖခင်ဘုရင်ကြီးကိုလဲ သောတာပန်မှသည်
သကဒါဂါမ်အနာဂါမ်အဆင့်ထိ ဖြစ်စေခဲ့လေ၏။
ဆွေမျိုး အများအားလည်း အမြိုက်တရား၏အရသာကို ခံစားစေလျှက်၊ ရာဟုလာ၏မယ်တော်
ယသော်ဓရာကိုအကြောင်းပြု၍ စန္ဒကိန္နရီဇာတ်တော် ကိုလည်းဟောကြား
တော်မူခဲ့တာလူတိုင်းအသိပင်။
သုံးရက်မြောက်နေ့မှာညီဝမ်းကွဲဖြစ်သော
နန္ဒမင်းသား၏ မင်္ဂလာပွဲကား ချိမ့်ချိမ့်သည်း ကျင်းပနေချိန်၊ ဘုရားရှင်
ကြွချီတော်မူကာ၊ ဆွမ်းခံခြင်းဖြင့် ချီးမြှင့်ပြီး သပိတ်ကို ညီတော်
နန္ဒ၏လက်တွင်းသို့ အပ်နှင်းကာ ရှေ့တော်မှာ မည်သည့်စကားကိုမျှမဆိုပဲ
ပြန်ကြွတော်မူ၏။
ညီတော်နန္ဒမင်းသားလည်း ချစ်ကြောက်ရိုသေရသော အကိုတော်ဖြစ်သည့်အတွက် မည်သည့် စောဒကမှ မတက်ဝံ့ပဲ နောက်တော်ပါးမှတထဝါးမှမခွါလိုက်လာခဲ့ရင်း ဘယ်နေရာမှာများ သပိတ်တော် ယူလိမ့်မလဲပေါ့တွေးတောရင်း။
မင်္ဂလာမဏ္ဍပ်လွန်သော်လည်း အကြောင်းမထူးသေး၊ နန်းတော်တံခါးလွန်သော်လည်း လှမ်းယူမည့်အရိပ်အယောက်မမြင်။ထိုစဉ်မင်းသမီးဇနီးချောလေးဇနပဒကလျာဏီရဲ့မှာတမ်းလေး “ အမြန်ပြန်လာပါ မောင်တော် ” တဲ့။
နန္ဒမင်းသားကြားလိုက်ရတယ်ဆိုရင်ပဲရင်ထဲမချိပြီအကိုကို ကြောက်လို့သာနောက်ကလိုက်လာရတာ ဇနီးချောလေးရဲ့စကားကိုနားထဲကမထွက်အမြန်ပြန်လာပါမောင်တော် ဘယ်လောက်ချိုသာတဲ့စကားလေးလဲ နားထဲကထွက်လောက်တဲ့စကားမဟုတ်ဘူးနော် ပုထုဇဉ်တို့အတွက်ပြောတာပါ။
ဒီလိုနဲ့ဇေတ၀န်ကျောင်းတော်ကို ရောက်တဲ့အထိ ကြောက်ကြောက်နှင့်လိုက်ပါလာခဲ့ရတယ်လေ နောက်ပြီး ရဟန်းတွေကိုဘာမှမပြောပဲညီတော်ကိုရဟန်းပြုပေးလိုက်” တဲ့ ဘုရားရှင် တစ်ချက်လွတ်အမိန့်ထုတ်တယ်။
ညီတော်က မကျေနပ်၊ ပျော်လည်းမပျော်၊ သူ့စိတ်ထဲမှာ ပြည်တော်ပြန်ပြီး
ဇနပဒကလျာဏီဆီကိုပဲ ပြေးသွားချင်စိတ်က ထိန်းလို့မရ၊ “အမြန်ပြန်လာပါ
မောင်တော်” ဆိုတဲ့ အမှာစကားသံလေးကား နားထဲမှာတဝဲဝဲလည်လို့ပေါ့တရားလည်းအားထုတ်လို့မရ၊ ဘ၀နှယ် ဆိုးလှပါလားဆိုတဲ့ စိတ်ကဖိစီးနေလေတာလေ။
ဇနီးချောလေးနဲ့တညတလေတောင်မအိပ်ရသေးခင်ခေါ်လာတော့စိတ်ထဲနောက်ကျိကျိဖြစ်နေတာမဆန်းဘူးလေထိုအကြောင်းကိုဘုရားရှင်သိတော်မူတယ်ဆိုရင်ပဲ နောက်တော်နောက်မှလိုက်ခဲ့ဖို့ခေါ်ပြီး ရှေ့တော်မှ ကြွသွားတော်မူလေ၏။
ညီတော် “ဟိုးသစ်ငုတ်ပေါ်ထိုင်နေတဲ့ မျောက်အိုမကြီးနဲ့ ဇနပဒကလျာဏီ ဘယ်သူပိုလှသလဲ” တဲ့။ ဟာ…မေးရက်လိုက်တာနောင်တော်ဘုရား.. နှမတော် ဇနပဒကလျာဏီကို ဒီမျောက်အိုမကြီးနဲ့ နှိုင်းရက်လိုက်တာ၊ နှမတော်ဟာ အလှမှာ စံတင်လောက်သူပါဘုရား” တဲ့။
ကဲ ဒါဆိုရင်လည်း လိုက်ခဲ့ဦး ဆိုးပြီး။ တန်ခိုးတော်နဲ့ နတ်ပြည်ကို
ခေါ်သွားလေတယ်လေ နတ်ပြည်မှာ နတ်သမီးလေးတွေက ဘုရားရှင်ရဲ့ ဝေယျာဝစ္စတွေကို
ဆောင်ရွက်ပေးရင်း ဖူးမျှော်ကြလေ၏။
နတ်သမီးလေးတွေ မလှဘူးလား ညီတော် မှန်ပါ လှပါတယ်ဘုရား ညီတော်ဇနီးလေးနဲ့ဘယ်လိုကွာလဲ?နတ်သမီးလေးတွေနဲ့ ယှဉ်လိုက်ရင် နှမတော် ဇနပဒကလျာဏီဟာ စောစောကတွေ့ခဲ့တဲ့ မျောက်အိုမကြီးနဲ့ တူပါတယ်ဘုရား။
ပြောင်းလွဲသွားတဲ့နန္ဒမင်သားဒီတခါတော့ဘုရားရှင်ကိုပြောခဲ့တဲ့စကားဓမ္မစမ်းရေပြောလိုက်ချင်ပါဘိ၊နှိုင်းရက်လိုက်လေပါဘိအစကချောပါတယ်ဆိုတာလည်းသူပဲ၊ခုတော့သူထက်သာသူတွေ့တော့ပြောလိုက်တာပေါ့လေ။
နတ်သမီးလေးတွေကို မလိုချင်ဘူးလား ညီတော် လို့ဆက်ပြီးမေးတယ်၊မှန်ပါ ဘုရား ရရင်တော့လိုချင်ပါတယ်ဘုရား၊ဒါဆိုရင်တော့ ဒီဂါထာလေးတွေကို ရွတ်၊ သင်နတ်သမီးလေးတွေကို ရလိမ့်မယ်ညီတော်” လို့ မိန်တော်မူပြီး ဂါထာတော်များသင်ကြားပေးလိုက်၏။
မြတ်ဗုဒ္ဓကညီတော်တဏှာကျွန်ကိုအမြစ်ပြတ်ဖျက်ဆီးဖို့အကောင်းဆုံးအညှာကိုကိုင်လိုက်တာဓမ္မမိတ်ဆွေတို့လည်းနတ်သမီးလေးတော့ယူချင်မှာပါနန္ဒမင်းသားလေးလိုလိုက်ကျက်ပြီးရွက်ပေတော့။
ဂါထာလေးက….
ယထာ အဂါရံ ဒုစ္ဆန္နံ၊ဝုဒ္ဓိ သမတိ ၀ိဇ္ဈတိ။
ဧ၀ံ အဘာဝိတ စိတ္တံ၊ရာဂေါ သမတိ ၀ိဇ္ဈတိ။
ယထာ အဂါရံ သုစ္ဆန္နံ၊၀ုဒ္ဓိ သမတိ ၀ိဇ္ဈတိ။
ဧ၀ံ သုဘာဝိတံ စိတ္တံ၊ရာဂေါ န သမတိ ၀ိဇ္ဈတိ။
ရွတ်လိုက်သည့်ဖြစ်ခြင်းနန္ဒမင်းသား၊
နားလည်တာမလည်တာ အပထား၊ နတ်သမီးလေးတွေရဖို့အရေး မနားမနေ ရွတ်၏။
နေ့စဉ်ရွတ်ပါများတော့ ရဟန်းတွေကတောင် ကဲ့ရဲ့ကြတယ်၊ ဘယ့်နဲ့ ဒီကိုယ်တော်
နတ်သမီးတွေလိုချင်လို့ ဂါထာတော်တွေကို ရွတ်ဖတ်နေလိုက်တာ နားကိုမနားဘူးတဲ့။
သူဂရုမစိုက် တစိုက်မတ်မတ် ရွတ်ဖတ်လာရင်း၊ ဘုရားရှင်ရဲ့ ရည်ရွယ်ရင်းကို
သိမြင်သဘောပေါက်သွားလေ၏။ အဓိပ္ပါယ်ကို သိလျှင်သိခြင်းပဲ နတ်သမီးတွေလဲ
သူ့စိတ်ထဲမှာမရှိတော့၊ဇနပဒကလျာဏီဆိုတာလဲသူ့နှလုံးသားထဲမှာမငြိတွယ်တော့သံယောဇဉ်ဆိုတာတွေကိုသူဖြစ်ပစ်လိုက်နိုင်တယ်နော်၊မောင်တော်အမြန်ပြန်လာပါဆိုတဲ့အသံလေးလည်းမကြားချင်တော့ပေ။
ဓမ္မစမ်းရေပရိတ်သတ်ကတော့နန္ဒမင်းသားလောက်ပါရမီမရင့်သန်ဘူးဆိုတော့အဓိပ္ပါယ်ကောသိချင်နေမှာပဲအဓိပ္ပါယ်လေးက…အိမ်ကို မကောင်းသဖြင့် မိုးအပ်သည်ရှိသော မိုးရေသည် ဖောက်ဝင်နိုင်သကဲ့သို့၊စိတ်ကိုသမထ၊၀ိပဿနာဖြင့် ကောင်းစွားမပွားထုံအပ်သည်ရှိသော် ရာဂသည်ဖောက်ဝင်နိုင်၏။
အိမ်ကို ကောင်းစွာမိုးအပ်သည်ရှိသော မိုးရေသည် မဖောင်ဝင်နိုင်သကဲ့သို့၊
စိတ်ကို သမထ၊ ၀ိပဿနာဖြင့် ကောင်းစွာ ပွားထုံအပ်သည်ရှိသော် ရာဂသည်
မဖောက်ဝင်နိုင်။
ညီတော်နန္ဒမင်းသားကတော့တရားတွေသိသွားလို့သမုဒယနွံထဲကရုန်းထွက်သွားပေမဲ့ ဇနပဒကလျာဏီလေးကတော့ မောင်တော်အမြန်ပြန်လာပါ… မောင်တော်အမြန်ပြန်လာပါ…တဲ့ သြော်…….
သနားစဖွယ် ဇနပဒကလျာဏီလေးရယ်။
(ဓမ္မစမ်းရေ)
0 comments:
Enregistrer un commentaire