ပေါင်းဖော်ကြည့်ကအကျိုးရ

ခောတ်လူငယ်တွေ ခောတ်လူကြီးတွေ ပုထုဇဉ်အားလုံးပေါ့မကောင်းမှုမှာမွေ့လျှော်နေတတ်ကြတယ် ကောင်းသောစကားပြောကြားရင် နားညည်းတတ်ကြပေမဲ့မကောင်းသောစကားပြောနေရင် တဟားဟားနဲ့ရယ်နေတတ်ကြတယ်။

ဘုရားစကားတရားစကားပြောနေတဲ့သူကိုကျတော့ဒီကောင်သိသလိုတတ်သလိုနဲ့တကယ်ကြတော့မသိပါဘူး

ကွာဆိုပြီးဒီလူကိုအပေါင်းသင်းမလုပ်တတ်ကြဘူး ဘေးဖယ်ကာထားတတ်ကြတယ် ကိုယ်ကျင့်တရား ကောင်းသူကိုဘေးဖယ်ထားကိုယ့်ကိုမြှောက်ထိုးပင့်ကော်လုပ်ကာနေတတ်သူကို

ကျတော့လူတော်ဆိုပြီးအနားထားတတ်ကြတယ်။

လောကလူတွေသူတော်ကောင်းနဲ့ပေါင်းဖက်ရပါလို၏လို့သာဆုတောင်းနေကြတာ သူတော်ကောင်းကောင်းတွေကို ကိုယ့်အာဏာအတွက် ကိုယ့်စည်းစိမ်အတွက် ကိုယ့်ရာထူးအတွက် ပြန်ဆဲတတ်လာပြီ ပြန်ပြောတတ်လာကြပြီ ပြန်လည်ပုတ်ခတ်လာကြပြီ။

သူတော်ကောင်းတွေလည်းလုပ်ဆောင်ချက်တွေကိုအလေးထားသော်လည်းကိုယ့်အသက်ကိုငဲ့ကွက် တဖက်လူရဲ့အပြစ်ဖြစ်မှာကိုငဲ့ကွက်လို့ဘေးရှောင်ရမလိုဖြစ်နေပြီ။

တကယ်တမ်းသူတော်ကောင်းနဲ့ပေါင်းကြည့်ပါ အဆိုးနဲ့အကောင်းကိုခွဲခြားပေးပါလိမ့်မယ်  ဓမ္မနဲ့အဓမ္မကိုခွဲခြားပြပါလိမ့်မယ်ကိုယ်ကျင့်တရားမကောင်းသူကိုကောင်းလာအောင်

 ကောင်းသူကိုပိုပြီးကောင်းလာအောင်လုပ်ဆောင်ပေးပါလိမ့်မယ် သူတော်ကောင်းနဲ့ပေါင်းလို့အကျိုးယုတ်တယ်ဆိုတာသာဓကတွေမရှိခဲ့ပါဘူး။

သူတော်ကောင်းနဲ့ပေါင်းဖော်ရလို့အကျိုးရလိုက်ပုံကိုသီလာနိသံသာသုတ်မှာခုလိုလေးတွေ့ရတယ်

ကဿပမြတ်စွာဘုရား လက်ထက်တော်အခါက သောတာပန်တည်ပြီးသော အရိယာပုဂ္ဂိုလ်တဦးနှင့် ဆတ္တာသည်တဦးတို့သည် လှေအတူစီး၍ ခရီးထွက်ခဲ့ကြသည်။ ခရီးမထွက်ခင် ဆတ္တာသည်၏ဇနီးက သူ့ခင်ပွန်းကို စောင့်ရှောက်ပါရန် သောတာပန်ပုဂ္ဂိုလ်ထံ ပြောဆိုအပ်နှံလိုက်သည်။

ခရီးထွက်၍ ခုနစ်ရက်မြောက်သောနေ့တွင် သမုဒ္ဒရာအလယ်၌ လှေပျက်သောဒုက္ခနှင့် ကြုံကြရသည်။ ထိုအခါ သူတို့နှစ်ယောက် ပျဉ်တချပ်ကိုတွယ်ကပ်ပြီး လိုက်ပါသွားရာ ကျွန်းတကျွန်းသို့ ရောက်ရှိကြသည်။ ထိုကျွန်းပေါ်တွင် ဆတ္တာသည်က ကျေးငှက်တိရစ္ဆာန်တို့ကို သတ်ဖြတ်၍ စားသောက်သည်။ သောတာပန်ပုဂ္ဂိုလ်ကိုလည်း ငှက်သားတို့ကို ပေးသည်။ သောတာပန်ပုဂ္ဂိုလ်က လက်မခံပေ။

သောတာပန်ပုဂ္ဂိုလ်သည် ကျွန်းပေါ်၌ သရဏဂုံသုံးပါးကိုသာ အဖန်ဖန်အထပ်ထပ် ဆင်ခြင်အောက်မေ့နေသည်။

သူပြုတဲ့ကုသိုလ်ကံ စေတနာဟာ သမုဒ္ဒရာစောင့်နတ်မင်းနှင့် နဂါးမင်းတို့သည် သောတာပန်ပုဂ္ဂိုလ်ကို ကယ်တင်ရန် နဂါးမင်းက လှေကြီးသဏ္ဍာန်ဖတ်ဆင်းပြီး နတ်မင်းက လှေသမားဟန် ဖန်ဆင်း၍ ရောက်ရှိလာကြသည်။

ရတနာတွေလည်း တင်ဆောင်လာသည်။ ထိုပုဂ္ဂိုလ်အနားသို့ရောက်သော်-ဇမ္ဗူဒိပ်ကျွန်းသို့ သွားမည်သူရှိပါသလား-ဟု လှေသမားဟန် ဖန်ဆင်းထားသောနတ်က ကြွေးကြော်၍ အသံပေးလေသည်။ သောတာပန်ပုဂ္ဂိုလ်က အကျွန်ူပ် သွားလိုပါတယ်-ဟု ပြောသောအခါ လှေကြီးကို ရပ်ပေးသည်။

ဤတွင် သောတာပန်ပုဂ္ဂိုလ်က ဆတ္တာသည်ကိုပါ ခေါ်ခဲ့ပါရန် ခွင့်ပန်ပြောဆိုသည်။ ထိုအခါ လှေဦးစီးက ဆတ္တာသည်မှာ အကျင့်သီလမရှိသောကြောင့် မခေါ်နိုင်ပါ၊ ကျွန်ုပ်တို့လှေသည်ကား အကျင့်သီလရှိသူကိုသာ ခေါ်ခြင်းပြုပါသည်။

ဒါဆိုလျှင် ကျွန်ုပ်ပြုသော ကုသိုလ်အဖို့ကို ဆတ္တာသည်အား အမျှဝေလျှင် ခေါ်ခွင့်ပြုမည်လား-ဟု သောတာပန်ပုဂ္ဂိုလ်က ပြောဆိုသည်။ အမျှဝေ၍ သာဓုခေါ်ရင်တော့ ခေါ်ခွင့်ပြုပါမည်။

ထိုအခါ သောတာပန်ပုဂ္ဂိုလ်က သူ၏ကုသိုလ်အဖို့ကို ဆတ္တာသည်အား အမျှပေးဝေလိုက်သည်။ ဆတ္တာသည်ကလည်း ၀မ်းမြောက်ဝမ်းသာ သာဓုသုံးကြိမ်ခေါ်ဆိုလိုက်သည်။

အမျှကုသိုလ်ရပြီးသောအခါ သောတာပန်ပုဂ္ဂိုလ်နဲ့ဆတ္တာသည်နှစ်ဦးတို့ကို သူတို့နေထိုင်ရာ ဗာရာဏသီပြည်အရောက် ပို့ဆောင်ပေးလေသည်။ ရတနာတို့ကိုလည်း ပေးသည်။

ဗာရာဏသီပြည်ရောက်သောအခါ သမုဒ္ဒရာစောင့်နတ်မင်းနှင့် နဂါးမင်းတို့က ကိုယ်ထင်ရှားပြ၍ ဆတ္တာသည်အား သူတော်ကောင်းနှင့် ပေါင်းဖော်ပါ။ အကျင့်သီလမြဲပါ။ 

သင်ကား အခု သူတော်ကောင်းနှင့် ပေါင်းဖော်၍ အသက်ချမ်းသာသည်။ ဥစ္စာရတနာများလည်း ရသည်-ဟု ဆုံးမပြောဆို၍ သူတို့နေထိုင်ရာ သမုဒ္ဒရာသို့ ပြန်သွားကြလေသည်။

ဓမ္မမိတ်ဆွေများ
ဘဝဆိုတဲ့ဖက်ထဲမှာ
အသားထည့်ရင်တော့
ညှီုနံ့ပဲနံမယ်၊
မွှေးကြိုင်တဲ့ပန်းရနံ့ကိုထည့်ရင်တော့
မွှေးကြိုင်တဲ့ရနံ့ရမယ်။
သင်ဘယ်ရနံ့ကိုကြိုက်လဲ? ကြိုက်နှစ်သက်ရာရွေးနိုင်ပါတယ်။

(ဓမ္မစမ်းရေ)

အကိုး။ သီလာနိသံသဇာတ်တော်ကိုမှီးငြမ်းပြီးရေးသားသည်။