ဇေတ၀န်ကျောင်းတော်၌ဘုရားရှင်သီတင်းသုံးနေတော်မူစဉ်တနေ့သ၌ကောသလမင်းကြီးရောက်လာ၍ ”အရှင်ဘုရား၊ယနေ့သားသမီးအမွေဆက်ခံရန်မကျန်ရစ်ခဲ့သောသူဌေးတယောက်၏စည်းစိမ်ဥစ္စာ အမြောက်အများကို မင်းဘဏ္ဍာအဖြစ် သိမ်ဆည်းပြီး လာခဲ့ရပါသည်-ဟု လျှောက်ထား၏။
ထိုသူဌေးသည်ပစ္စည်းဥစ္စာကြွယ်ဝလှပါသော်လည်းဆန်ကွဲထမင်းနဲ့ပုံးရည်ဟင်းကိုသာစားပါသည်။ အ၀တ်ကိုလည်းပိုက်ဆံလျှော်အ၀တ်ကိုသာဝတ်ဆင်ပါသည်။ရထားကောင်းများရှိပါလျက်လည်း ရထားအဟောင်းသာစီးပါသည်။သစ်ရွက်ထီးကိုသာဆောင်းပါသည်။ဘယ်အကြောင်းကြောင့်ပါလဲဘုရား”
ဟုလျှောက်ထားရာ ဘုရားရှင်က ရှေးအဖြစ်ကို ဟောပြတော်မူ၏။
ရှေးဘ၀တခု၌ထိုသူဌေးသည်ပစ္စေကဗုဒ္ဓါအရှင်မြတ်အားဆွမ်းလောင်းရန်ဇနီးကိုပြော၏။မိမိဇနီးက
ဆွမ်းလောင်းပြီးသောအခါ၌သပိတ်ထဲတွင်ကြည့်လိုက်ရာဖွယ်ဖွယ်ရာရာဟင်းအစုံတို့ကိုတွေ့ရ၍ သူ့စိတ်တွင် နှမြောဝန်တိုစိတ် ဖြစ်ပေါ်လာ၏။
ဤမျှကောင်းသောအစားအစာများကိုငါ၏လုပ်သားများကိုကျွေးလျှင်လုပ်အားအများကြီးရမည်။ ဤရဟန်းကား အကောင်းတွေစားပြီး
အိပ်နေမှာပဲ-ဟု စိတ်တွင် ပြစ်မှားမိ၏။
၎င်းပြင်ပစ္စည်းများကိုခွဲဝေပေးရမည်စိုး၍အမွေဆိုင်တူ-တယောက်ကိုသတ်ခဲ့ဖူး၏။ထိုကံနှစ်မျိုးအနက်
ဆွမ်းလှူသောကံကြောင့် နတ်စည်းစိမ် ခံစားခဲ့ရ၏။
လှူပြီးမှစိတ်၌ပြစ်မှားမိခဲ့သောကြောင့်မွန်မြတ်သောအစားအ၀တ်များသုံးချင်စိတ်မရှိဘဲ
အညံ့အဆိုးတို့ကိုသာ သုံးစွဲခဲ့ရ၏။တူကိုသတ်သောကံကြောင့်သားသမီးအမွေခံမရဘဲမိမိပစ္စည်းများကိုခုနစ်ကြိမ်တိုင်တိုင် မင်းဘဏ္ဍာအဖြစ် အသိမ်းခံခဲ့ရသည်။
ယခုအခါကံဟောင်းကုန်ပြီးကုသိုလ်ကံအသစ်လည်းမပြုဘဲသေသွားသဖြင့်မဟာရောရုဝငရဲ၌ ခံနေရလေပြီ-ဟု
မိန့်တော်မူပါတယ်။
ဒီဇာတ်တော်လေးဖတ်ကြည့်လိုက်တော့အိန္ဒိယနိုင်ငံတော်တော်များသောလူတွေမှာလည်း
ပိုက်ဆံချမ်းသာကြပေမဲ့တနေ့ချာပါတီပဲဟင်းအာလူးဒါနဲ့ပဲစားကြတာတွေ့ရတယ်တက္ကသိုလ်ရဲ့ ပါမောက္ခတွေဖြစ်နေလည်း ဒါပဲ ရေသန့်ဘူးဘယ်တော့မှအလကားမရရင်မသောက်တတ်ဘူး။
ပိုက်ဆံစုတယ်၊အိမ်တလုံးကောင်းကောင်းဆောက်နိုင်သော်လည်းမဆောက်ပဲတဲကုတ်ကလေးနဲ့နေ
တတ်ကြတယ်၊
သြော် လူတွေပရစေတနာရဲ့အကျိုးလေလားလို့အမြဲတွေးဖြစ်တယ်၊
မြန်ပြည်တခွင်မှာလည်းမစားရက်မသောက်ရက်နဲ့ပိုက်ဆံကိုအသေချာစုနေတဲ့သဋ္ဌေးကြီးတွေလည်းရှိနေ
တတ်ပါတယ်ရှေးကအနည်းငယ်သောကုသိုလ်ကံကြောင့်ဒီဘဝချမ်းချမ်းသာသာနေရတယ်၊ သို့ပေမဲ့
နောင်ဘဝအတွက်ကုသိုလ်တွေမပြုမိခဲ့ကြဘူးဆိုရင်ရင်လေးစရာကြီးနော်။
ချမ်းသာပေမဲ့ကောင်းကောင်းမနေရဘူးကောင်းကောင်းမစားရဘူးကောင်းကောင်းမဝတ်ရဘူးဘာကြောင့်လဲ
ရှေးကလှူဒါန်းမှုပြုခဲ့ပေမဲ့ ပရစေတနာပျက်ပြီး မနာလိုဝန်တိုမိခဲ့လို့ပါ။
ဘုရားရှင်ကတော့ခုလိုလေးနည်းပေးခဲ့ပါတယ်၊
ဟနန္တိ ဘောဂါ ဒုမ္မေဓံ၊ နော စ ပါရဂဝေသိနော။
ဘောဂတဏှာယ ဒုမ္မေဓော၊ ဟန္တိ အညေ၀
အတ္တာနံ။
မြန်မာပြန်ပြောပြရရင်စည်းစိမ်ဥစ္စာတို့သည်
ပညာမဲ့သူကိုသာ ဖျက်ဆီးကုန်၏။
နိဗ္ဗာန်တည်းဟူသော တဖက်ကမ်းကို
ရှာမှီးသူတို့ကိုကား မဖျက်ဆီးနိုင်ကုန်။
ပညာမဲ့သူသည် စည်းစိမ်ဥစ္စာကို
တပ်မက်ခြင်းဖြင့် သူတပါးတို့ကို ဖျက်ဆီးသကဲ့သို့ မိမိကိုယ်ကိုလည်း ပျက်စီးစေ၏။
ကဲဓမ္မမိတ်ဆွေတို့ရေ
ဓမ္မစမ်းရေနောက်ဆုံးပြောလိုက်ချင်ပါတယ် ရေကန်တခုကိုမလှယ်ဘူးဆိုရင်
ရေသစ်တို့ဝင်လာနိုင်စရာ
အကြောင်းမရှိပါဘူး၊ဒါဆိုရင်ရေဟောင်းတွေချည်းသောက်နေရတတ်ပါတယ်၊
ရေဟောင်းတွေ
ချည်းသောက်နေရင် ရောဂါရတတ်သလို မိမိစိတ်ကိုလည်းညစ်နွမ်းစေပါတယ်။
အနည်းငယ်သောရေဟောင်းကိုစွန့်လိုက်ပြီးရေသစ်တို့လဲလှယ်လိုက်မယ်ဆိုရင်
မိမိခန္ဓာကိုယ်ကိုသန့်စင်စေတာအပြင် မိမိရဲ့ကျမ္မာရေးကိုလည်းအထောက်အကူပြုစေပါတယ်၊
ရေသစ်တို့မလဲဘူးရေဟောင်းတွေချည်းသောက်သုံးနေရင်အချိန်တန်လို့ကုန်လွန်သွားရင်ရေငတ်တတ်ပါတယ်
၊ဒီလိုပါပဲတရားသဘောနဲ့ပြောပြရရင်မိမိပြုခဲ့တဲ့ရှေးကုသိုလ်ကံလေးမကုန်ခင်ကုသိုလ်ကံ
အသစ်ကလေးမပြုခဲ့ဘူးဆိုရင်မိမိရထားတဲ့ဘဝတခုဟာကြီးမားစွာသောဆုံးရှုံးခြင်းကိုရတတ်ပါတယ်။
(ဓမ္မစမ်းရေ)
