လောကမှာလောကီချမ်းသာလောကုတ္တရာချမ်းသာဆိုပြီးနှစ်မျိုးရှိပါတယ်၊လောကီချမ်းသာဆိုတာကတော့
လူ့ကာမဂုဏ်လူ့အာရုံလူ့ချမ်းသာနတ်ကာမဂုဏ်နတ်အာရုံနတ်ချမ်းသာတို့ကိုဆိုလိုတာပါ
၊လောကုတ္တရာချမ်းသာကတော့အရဟတ္တဖိုလ်ချမ်းသာ နိဗ္ဗာန်ချမ်းသာတို့ကိုဆိုလိုတာပါ။
လောကီချမ်းသာဟာ လောကုတ္တရာချမ်းသာနဲ့နှိင်းယှဉ်ရင်လောကုတ္တရာချမ်းသာကို တဆယ့်ခြောက်စိပ် စိပ်ပြီးတစိပ်မျှကိုမမှီနိုင်ဘူးဟုမြတ်ဘုရားဟောထားတာတွေ့ရပါတယ်။တကယ်တော့လောကီချမ်းသာဆိုတာ
ဖြည့်ပေးရတဲ့ချမ်းသာတခုပါ၊ရူပါရုံကိုခံစားချင်ရင်ရူပါရုံဝတ္ထုတွေဖြည့်ပေးရပါတယ၊်ဥပမာ…ပွဲကြည့်ချင်ရင်ပွဲအတွက်
ဖြည့်စရာဝတ္ထုဖြည့်ပေးရတယ်မဟုတ်လား။သဒ္ဒါရုံကိုခံစားချင်သဒ္ဒါရုံအတွက်ဝတ္ထုတွေဖြည့်ပေးရတယ်
ဂန္ဓာရုံကိုခံစားချင်ရင်ဂန္ဓာရုံအတွက်ရနံ့တွေဖြည့်ပေးရတယ်ရသာရုံကိုခံစားချင်ရင်ရသာရုံအတွက်အစားစာတွေဖြည့်ပေးရတယ်
ဖောဋ္ဌဗ္ဗာရုံကိုခံစားချင်ရင်ဖောဋ္ဌဗ္ဗာရုံအတွက်အတွေ့အာရုံတွေဖြည့်ပေးရတယ်။
ဒီတော့လောကီချမ်းသာဆိုတာပြည့်တယ်ဆိုတာမရှိအမြဲကိုဖြည့်ပေးနေရတယ်..ဖြည့်သော်လဲပြည့်တယ်ဆိုတာမရှိဘူး။
မဟာသမုဒ္ဒရာကြီးလိုပေါ့၊လောကုတ္တရာချမ်းသာကတော့ဖြည့်စရာမလိုတဲ့ချမ်းသာမျိုးပါပ.ဲလောတ္တရာချမ်းသာကတော့မဖြည့်ပဲနဲ့လဲပြည့်နေတယ်
ဖြည့်စရာဘာမှမရှိဘူးအကူညီအားပေးစရာဘာမှမရှိပါဘူးမဖြည့်ဘဲနဲ့လဲချမ်းသာသုခအလိုလျှောက်ခံစားရတယ်။
အဲဒါကြောင့်ကာမဂုဏ်အပြစ်ကိုမမြင်ကြတဲ့သူတွေကျတော့အကောင်းဘဲနှစ်သက်ဖွယ်ချည်းဘဲ…သို့သော်..
ကာမဂုဏ်ချမ်းသာအပြစ်ကိုမြင်ကြတဲ့သူတွေအဖို့ကတော့အင်မတန်ကွာခြားတဲ့ချမ်းသာနှစ်ခု။
ကာမဂုဏ်ချမ်းသာဟာဖြည့်လို့မပြည့်နိုင်ဘူးလောကုတ္တရာချမ်းသာကဖြည့်စရာမလိုဘူး
လောကုတ္တရာချမ်းသာကအလိုလျောက်ပြည့်နေတယ်လို့မြင်ကြတယ်။
တခါတုံးကအရှင်ရဋ္ဌပါလဟာကောရဗျ မင်းကြီးအားတရားဟောဘူးတယ်၊
ဦနော လောကော အတိတ္ထော တဏှာဒါသောတဲ့။
လောကကြီးဟာဘယ်လောက်ဖြည့်လဲလိုမြဲသာဖြစ်တယ်ရောင့်ရဲသည်ဟုမရှိပေ.
.တဏှာ၏ကျေးကျွန်သာဖြစ်၏ဟုဟောလိုက်တော့ကောရဗျမင်းကြီးကတပည့်တော်
အဲဒီထဲကဘာကိုမှတ်ရမလဲဘုရားလျှောက်လာတော့။
မထေရ်ကမင်းကြီးကိုပြန်မေးပါတယ်အေ၇ှ့အရပ်ကမင်းကြီးအင်မတန်ယုံရတဲ့လူတယောက်လာတယ်ဆိုပါဆို့ အဲဒီလူကမင်းကြီအေ၇ှ့အရပ်မှာမြို့ကြီးတမြို့ကျွန်တော်မျိုးတွေ့ခဲ့ပါတယ်၊အဲဒီမြို့ဟာဆင်တွေမြင်းတွေရထားတွေ ဒီပြင်စည်းစိမ်ဥစ္စာပစ္စည်းတွေအင်မတန်ပြည့်စုံတယ်၊
အခုအရှင်မင်းကြီးဆီမှာရှိနေတဲ့စစ်တပ်နဲ့သားပြီးတိုက်ရင်အောင်နိုင်ပါတယ်ဆိုရင် အရှင်မင်းကြီးဘယ်လိုလုပ်မလဲဆိုတော့မင်းကြီးကတပည့်တော်သွားပြီးတိုက်မှာပါဘုရား၊
ကောင်းပါပြီ တောင်ဘက်ကလူတယောက်အဲဒါလဲမင်းကြီးအင်မတန်ယုံကြည်ရတဲ့လူတယောက်ဘဲ
ထိုသူကမင်းကြီးကိုအရှင်မင်းကြီးတောင်ဘက်မှာလဲအင်မတန်စည်ကားခမ်းညားတဲ့မြို့တမြို့တွေ့ခဲ့တယ်၊
အဲဒီမြို့ကိုအရှင်မင်းကြီးအလွယ်တကူသိမ်းရဖို့ဖြစ်နိုင်တယ်ဆိုရင်မင်းကြီးဘယ်လိုသဘောရှိလဲ မင်းကြီးကတပည့်တော်သိမ်းမှာပဲဘုရားတဲ့။
နောက်ဘက်မြောက်ကအဲဒီလိုသံတော်ဦးတင်လာမယ်ဆိုရင်ကောမင်းကြီးဘယ်လိုလုပ်မလဲတပည့်တော်သိမ်းမှာပဲဘုရား၊
မင်းကြီးဘုရားရှင်ကအဲဒါကိုရည်ရွယ်ပြီးလောကကြီးဟာပြည့်တယ်ဆိုတာမရှိဘူးလိုမြဲလိုနေတာဟုဟောတာပါ၊တဏှာဆိုတာ မပြည့်နိုင်ဘူးဆိုတာကိုယ့်တွေ့ကိုး ပုထုဇဉ်လူဆိုတာရရင်အကုန်ယူသွားမှာ၊
အဲဒါကိုရည်ရွယ်ပြီးဘုရားရှင်ကိုယ်တော်မြတ်ကတဏှာဆိုတာပြည့်တယ်လို့မရှိဘူးလိုမြဲလိုနေတယ်
အဲဒီအကြောင်းဟောတော့တရားဟာအင်မတန်မှန်တယ်လို့ကောရဗျမင်းကြီးကပြန်လျှောက်ပါတယ်။
ဟုတ်ပါတယ်မင်းကြီးလောကီချမ်းသာဆိုတာဖြည့်လို့မနိုင်ပါဘူးလောကုတ္တရာချမ်းသာကတော့ဖြည့်စရာမလိုဘူး
မိမိရဲ့ချမ်းသာတဲ့ချမ်းသာလေးနဲ့ပဲအကုန်ပြည့်စုံတယ်ဘာမှလိုစရာမရှိတော့ပါဘူး။
လောကမှာအမြင်နှစ်မျိုးရှိတယ်၊လောကီချမ်းသာကိုကောင်းတယ်လို့မြင်နေကြတဲ့သူတွေကျတော့
ကာမဂုဏ်ထက်ကောင်းတာသူမှာမတွေ့ဘူးကာမဂုဏ်ချမ်းသာထက်ချမ်းသာတာကိုတွေ့တဲ့သူတွေကျတော့
လောကီချမ်းသာဟာအလကားဟုသိရလာတယ်၊။
စာရေးသူရဲ့အမေမဆုံးခင်ကစာရေးသူကိုမှာခဲ့ပါတယ်၊(သားအမေ့ကိုလဲသံယောဇဉ်မထားနဲ့
သားကိုလဲအမေသံယောဇဉ်မထားဘူးသံယောဇဉ်ဆိုတာသံသရာရှည်ကြောင်းတွေတဲ့သံသရာထဲမှာ
သားတ၀ဲဝဲလည်နေအုံးမှာလားတဲ့အမေကတော့မလည်ချင်တော့ဘူတဲ့)စာရေးသူရဲ့အမေဟာစာပေမတတ်ပါဘူး.
.ရိပ်သာတွေလဲမ၀င်ဘူးပါဘူးဆင်းရဲတော့တရားဆိုတာသိသော်လဲလုပ်ချိန်မရဘူးလေသားတပါးရှိလို့
တရားကိုသိရမယ်လို့မအောက်မေ့ပါနဲ့ စာရေးသူအမေဆုံးတော့တော်တော်ငယ်ပါသေးတယ်။
စာရေးသူကိုယ်တိုင်လဲတရားဆိုတာမသိသေးပါဘူး။အမေဟာစာမတတ်ပေမဲ့အမေပြောသွားတဲ့စကားလုံးလေးဟာတကယ့်ဂရိတ်စကားလုံးလေးပါ
ဒီစကားကိုထောက်ဆသောအားဖြင့်အမေဟာရင့်ကျက်တဲ့သူလို့ဆိုတာစာရေးသူသိလိုက်ရပါပြီတန်ဖိုးသိပ်ကြီးတဲ့စကားလုံးလေးပါ
စာရေးသူရဲ့ရင်ထဲမှာတွေးလိုက်တိုင်းအမေ့ကိုဦးတင်ရှိခိုးမိပါတယ်၊
ခုလိုလေးများအမေ့ကိုဟောလိုက်ရရင်အမေဘယ်လောက်ကကျေနပ်နေမလဲလို့စာတဆောင်ရေးပြီးတိုင်းအမေ့ကိုလွမ်းမိပါတယ်။
စာရှု့သူတို့လဲဖြည့်စရာမလိုတဲ့ချမ်းသာအစစ်ကိုမြင်အောင်ကြည့်နိုင်ဖို့ကြိုးစားကြပါလို့တိုက်တွန်းရင်း………
ဓမ္မစမ်းရေသောက်သုံးနိုင်ပါစေ….
0 comments:
Enregistrer un commentaire